Un idioma preciso

Pasa a folla

Arriba e abaixo

icono de ARRIBA

O Plan Xeral de Normalización da Lingua Galega (2004) establece para o sector da mocidade toda unha serie de actuacións destinadas a estimular as actitudes favorables e superar prexuízos, presións e inercias; fomentar a creatividade de base en galego e garantir unha oferta ampla, variada e atraente de produtos en galego destinada ao público xuvenil. O seu cumprimento trece anos máis tarde é ínfimo. Aínda estamos a tempo, pero hai que bulir!


icono de ABAIXO

A mocidade galega non ten unha mala actitude xeral cara ao galego, mais segue cargada de prexuízos que pexan o seu uso e as posibilidades de comprometérense coa súa transmisión.  Tales son as conclusións do informe Prácticas e actitudes lingüísticas da mocidade en Galicia (2017). Ou se actúa planificadamente cara a este sector social para asegurar o uso e a autoestima por parte das mozas e mozos galegofalantes e para incrementar o uso do galego e o seu aprecio entre os bilingües e os castelánfalantes, ou o futuro do noso idioma vai resultar cada ano máis delicado.

Calendario

« Abr, 2017 »
lun mar mér xov ven sáb dom
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Cambiar data:
Mes:   Ano: 

250 títulos en galego na colección "UD. Unidades didácticas" da USC

A colección UD. Unidades didácticas da USC, que publica materiais docentes de calidade na nosa lingua para apoiar o traballo do profesorado e do alumnado de todas as materias e titulacións da universidade, chegou en marzo de 2017 aos 250 títulos, dos cales 211 están dispoñibles libremente e de balde para descargar.

Venres, 28 de abril de 2017

Volve, con folgos renovados, “Un idioma preciso”

A nosa sección de apuntamentos terminolóxicos “Un idioma preciso” volverá actualizarse n'O Cartafol e ademais comeza a publicarse tamén no portal da ciencia en galego, GCiencia, buscando chegar a máis persoas as súas reflexións e recomendacións sobre terminoloxía científica.


Venres, 28 de abril de 2017

Coñecer a lingua nos contextos. Camiñada de primavera no Courel

A Comisión de Normalización Lingüística da Escola Politécnica Superior de Lugo organiza unha nova camiñada para coñecer xuntas e asemade lingua e natureza. Será o sábado 6 de maio, no Courel e da man do profesor Manuel Antonio Rodríguez Guitián.

Venres, 28 de abril de 2017

Dispoñible en galego outra norma UNE-ISO, sobre sistemas de xestión ambiental

Dende o pasado mes de marzo existe a versión oficial en galego da norma UNE-EN ISO 14006:2011 Sistemas de xestión ambiental. Directrices para a incorporación do ecodeseño, grazas de novo á súa tradución polo Servizo de Normalización Lingüística da USC.

Venres, 28 de abril de 2017

O populismo, nos Encontros de Lúa Chea

Nos últimos tempos hai un termo que aparece a miúdo no debate político: populismo. O vindeiro Encontro de Lúa Chea (o martes 9 de maio ás 20 h) podes participar nun encontro aberto na EPS sobre o populismo, un tema que situará o popular profesor,  politólogo e comentarista político Antón Losada. ÚLTIMA HORA: Suspéndese por enfermidade do relator.


Venres, 28 de abril de 2017

Os idiomas nas teses de 2016

«Terciarización e servicialización na innovación do sector agrario. Factores impulsores e efectos na sustentabilidade da gandería e da viticultura en Galicia» foi un dos títulos das 427 teses defendidas o pasado 2016 na nosa Universidade. Que idiomas se utilizaron nos traballos de doutoramento?

Venres, 31 de marzo de 2017

Queres axuda para realizares a túa tese en galego?

Tes ata o 31 de outubro de 2017 para solicitares a axuda (ata 400 euros en subvención directa) que che ofrece a USC se realizas a túa tese de doutoramento en galego. Ademais, podes realizar  consultas lingüísticas e terminolóxicas e mais recibir asesoramento para a defensa da tese, nos aspectos orais e de uso de presentacións dixitais.

Venres, 31 de marzo de 2017

Concursos para todos os gustos, co galego ao fondo

Se estudas na USC (e nalgúns casos, se traballas na USC, ou mesmo se non es da USC) podes presentarte a uns cantos concursos ben diferentes, mais cunha característica común: o galego ao fondo. Tes onde escoller: Premios á calidade lingüística, TED-Saúde, Explícoche matemáticas 2.0, Proxectos empresariais innovadores en lingua, Concurso Literario Mazarelos e Somos a curta!

Mércores, 29 de marzo de 2017

Coloquios con Novos Investigadores na Facultade de Bioloxía

A CNL de Bioloxía organiza o 29 de marzo e o 5 de abril os "Coloquios con Novos Investigadores", nos que mozas e mozos que están iniciando as súas pescudas biolóxicas darán a coñecer os temas nos que investigan e explicarán estes seus comezos na nosa lingua, co fin de espertar actitudes positivas cara á utilización do galego na divulgación científica.

Mércores, 29 de marzo de 2017

"Parecíame o máis natural facer o traballo de fin de máster en galego"

O pasado curso un estudante gañou un premio á calidade lingüística co seu TFM e tamén o premio literario Mazarelos, cunha mención expresa do xurado á notable fluidez lingüística da obra. Non sería nada extraordinario se non fose porque se trata dun alumno inglés, Philip Duncan Webb (Cheltenham, 1992).

Martes, 28 de febreiro de 2017