Novas recentes

Mostra @ youtubeir@ que levas dentro!

Luns, 18 de decembro de 2017

Linguas de perfil

Luns, 18 de decembro de 2017

And the winners are...

Xoves, 30 de novembro de 2017

Cinco anos de bUSCatermos: algúns datos e un balance

Mércores, 08 de novembro de 2017

Novembro, mes de "xornadas"

Mércores, 08 de novembro de 2017

Resoltos os XIII Premios á calidade lingüística

Mércores, 08 de novembro de 2017

[Máis novas]

Volve DivulgaTerra

As comisións de normalización lingüística do Campus de Lugo e Campus Terra organizan a segunda edición desta xornada de divulgación científica que busca facer visible o traballo dos novos investigadores e investigadoras dese Campus, e promover o uso do galego á hora de comunicar e difundir os resultados de investigación.

Ata o 20 de outubro pode inscribirse no DivulgaTerra 2017 calquera persoa que estea realizando no Campus Terra o seu traballo de fin de mestrado ou a súa tese de doutoramento, ou que forme parte dalgún grupo de investigación vinculado a este Campus. Alí, disporá de 10 minutos para contarlle a un público interesado (pero non de especialistas) en que consiste a súa investigación e que importancia social pode ter. E se o prefire, poderá facelo a través dun póster que se expoñerá nun espazo anexo.

 

Ademais, e para aqueles inscritos que o consideren interesante, o Servizo de Normalización Lingüística vai organizar a finais de outubro unha sesión formativa gratuíta centrada na planificación e no deseño dos materiais complementarios á exposición oral, e en aspectos relevantes da propia posta en escena.

 

Se na edición de 2016 foron case 20 as persoas que participaron cos seus pósters ou as súas intervencións orais, agardamos que este 9 de novembro ás 6 da tarde, cando se erga o pano do DivulgaTerra 2017, sexan máis as investigadoras e investigadores do Campus que lle conten á cidade de Lugo e ao mundo en que están traballando.

 

Pódese seguir toda a información actualizada no evento de Facebook que se creou para a ocasión.

 

Luns, 18 de setembro de 2017