Un idioma preciso

184. Argalleiros que melloran o mundo

Venres, 30 de xuño de 2017

183. Un latinismo vivindo na auga doce

Xoves, 08 de xuño de 2017

180. Plantas que ruben, animais que gatean

Xoves, 07 de maio de 2015

179. As razóns da "ratio"

Venres, 27 de febreiro de 2015

178. Depreciación e desvalorización

Mércores, 28 de xaneiro de 2015

177. "Islamita" ou "islamista"?

Venres, 09 de xaneiro de 2015

176. Onde hai patrón...

Martes, 14 de outubro de 2014

175. Gañarémoslle o pulso ao "selfie"?

Mércores, 02 de xullo de 2014

174. Abellóns por control remoto

Mércores, 18 de xuño de 2014

173. A "mariola" non é (só) un xogo.

Martes, 27 de maio de 2014

171. Cócteles de enerxías: "energy mix"

Luns, 24 de marzo de 2014

170. A RAG falla con "fallo".

Venres, 07 de marzo de 2014

168. E Border de que enfermou?

Mércores, 22 de xaneiro de 2014

167. Xogando a converterse en gamos?

Luns, 16 de decembro de 2013

165. Un caso de trasacordos: *entablillar

Venres, 15 de novembro de 2013

164. Os gatos galegos rosman de contentos?

Martes, 29 de outubro de 2013

163. "Baria" ou "baría" no sistema ceguesimal?

Mércores, 26 de xuño de 2013

162. Conformámonos co "achantamento"?

Venres, 31 de maio de 2013

160. Feixes que forman faxinas.

Martes, 02 de abril de 2013

159. Obstáculos para o atletismo

Luns, 11 de marzo de 2013

157. Caudais que non levan auga.

Xoves, 17 de xaneiro de 2013

153. Os "sumilleres", ou ir beber á fonte limpa

Mércores, 14 de decembro de 2011

151. Montes e moreas na memoria dun ordenador

Luns, 19 de setembro de 2011

148. Un "xacemento" en movemento

Mércores, 11 de maio de 2011

143. Precisión ornitolóxica 3: Oxyura

Mércores, 12 de xaneiro de 2011

138. Ordenadores en tabletas

Luns, 31 de maio de 2010

137. Se quito grosor, estou regrosando?

Luns, 15 de marzo de 2010

135. Máquinas que furan gabias: zanxadoras?

Venres, 29 de xaneiro de 2010

132. Trialogando entre tres

Venres, 27 de novembro de 2009

131. Unha planta mediática... por canto tempo?

Martes, 10 de novembro de 2009

130. Ofertas e demandas elásticas

Venres, 16 de outubro de 2009

175. Gañarémoslle o pulso ao "selfie"?

Non é habitual que a maior parte das linguas románicas se poñan de acordo para recomendar que non empreguemos un determinado anglicismo, e menos aínda que practicamente coincidan na alternativa que ofrecen para suplantalo. Un deses raros casos é o de selfie.
 

Para este tipo particular de autorretrato, tan popular nas redes sociais que ata o Papa ten algún, estase recomendando autofoto en cataláncastelán, e autophoto ou égoportrait en francés. Só o italiano e o portugués parecen asumir como adecuado o emprego do anglicismo.
 

En galego, a forma autofoto ten tamén unha certa presenza na documentación real. Por iso, cando no proceso de elaboración do Vocabulario panlatino das redes sociais tivemos que propoñer unha denominación para ese concepto, pareceunos mellor potenciar a forma propia no canto de asumir a incorporación directa do anglicismo. Pero non temos nada claro que a nosa recomendación vaia triunfar, pois selfie ten xa unha altísima difusión en galego, e é unha forma que pode integrarse nesta lingua con moita facilidade, pois encaixa ben nos seus patróns de ortografía e de pronuncia.
 

Así pois, animámosvos a que fagades autofotos e as difundades a través das vosas redes sociais, ou dos servizos de mensaxería instantánea. A ver se conseguimos que esta palabra compita con selfie, e non se converta nunha (noutra) batalla perdida.

 

 

XUSTO A. RODRIGUEZ RIO

Mércores, 02 de xullo de 2014