Axenda

 

 

Ruxerruxe

Convocatoria de cursos CELGA (Convocatoria de cursos CELGA , xoves, 03 de agosto de 2017 ao martes, 28 de marzo de 2017)

A Secretaría Xeral de Política Lingüística publica hoxe no Diario Oficial de Galicia unha nova convocatoria de cursos de lingua galega para persoas adultas preparatorios para as probas Celga 2017. Aos cursos presenciais para os niveis Celga 2, 3 e 4, que viñan sendo habituais nas últimas convocatorias, súmanse desta volta dous cursos en liña preparatorios para o Celga 1 pensados para persoas que teñen un coñecemento elemental da lingua propia de Galicia. Os prazos para solicitar estes cursos rematan o 28 de marzo (no caso dos presenciais) e o 23 no caso da formación en liña. Son 30 cursos para celebrar en 29 localidades.


XVI Concurso de proxectos empresariais innovadores. Premio á promoción do galego (Premios aos Proxectos Empresariais Innovadores , martes, 03 de outubro de 2017 ao martes, 09 de maio de 2017)

Entre os seis premios que a USC convoca como Premios aos Proxectos Empresariais Innovadores da USC, cuxo obxectivo é impulsar a creación de empresas innovadoras promovidas pola comunidade universitaria da USC, así como a innovacion empresarial e a xeración de Emprego, figura o  PREMIO Á PROMOCIÓN DA LINGUA GALEGA dotado con 1.000 euros. O prazo de presentación estará aberto ata o 9 de maio de 2017.


Encontros de Lúa Chea (marzo) , xoves, 16 de marzo de 2017 ao xoves, 16 de marzo de 2017)


Obradoiros de youtubeir@s na USC (Youtubeiras , xoves, 07 de decembro de 2017 ao luns, 06 de marzo de 2017)

Se che apetece concorrer ao concurso de Youtubeir@s coa seguridade de presentar un vídeo de calidade, podes apuntarte a un dos obradoiros de 1+3 horas que se convocan na USC. En Lugo serán o 6 e o 27 de marzo, en horario de tarde; e en Santiago, o 22 e 29 de marzo en horario de mañá, e o 17 e 27 de abril en horario de tarde. Lembra que o prazo de presentación remata o 28 de abril!


XXX Cursos de verán de lingua e cultura galegas (Galego sen fronteiras , venres, 24 de febreiro de 2017)

A trixésima edición destes cursos estivais, que se desenvolverán entre os días 3 e 24 de xullo de 2017, diríxense preferentemente a alumnado e profesorado universitario vinculado aos centros de estudos galegos do exterior, aínda que tamén están abertos a calquera persoa maior de idade de fóra de Galicia interesada no noso idioma. Contan con tres niveis: elemental, medio e superior. O prazo de inscrición remata o 24 de febreiro de 2017. Organizan a Real Academia Galega, a Secretaría Xeral de Política Lingüística e o Instituto da Lingua Galega da USC.


Cursos de lingua galega para non galegofalantes (Centro de Linguas Modernas , venres, 16 de decembro de 2016 ao mércores, 08 de febreiro de 2017)

O Centro de Linguas Modernas ten xa aberto o prazo de matrícula para os cursos de lingua galega para non galegofalantes do segundo semestre.


Axudas ás teses en galego (Axudas á investigación en galego , martes, 31 de outubro de 2017)

Co obxecto de incentivar o uso do galego na investigación básica, a USC ofrece axudas ao uso da lingua galega nas teses de doutoramento que se defendan ata o 31 de outubro de 2017. O Servizo de Normalización Lingüística ofréceche asesoramento lingüístico, terminolóxico e comunicacional (para a defensa da tese con presentacións dixitais) e unha subvención en concepto de gastos de fotocopiado e encadernación ata 400 €. A axuda económica cómpre solicitala ata o 31 de outubro do ano 2017


IX Xornada de recursos educativos en galego: Educación de adultos (IX Xornada de recursos educativos en galego , mércores, 16 de novembro de 2016)

Os días 16 e 17 de novembro celebrarase en horario de tarde e mañá, respectivamente, a IX Xornada de recursos educativos en galego, na sede da Facultade de Ciencias da Educación no Campus Vida. Desta volta está destinada á educación de adultos. Está aberto o prazo de inscrición, que é de balde, ata o luns 14 para todos os estudantes da Facultade e para todos/as os/as profesionais interesados.


Encontro de lúa chea ( , xoves, 29 de setembro de 2016 ao xoves, 29 de setembro de 2016)

"De quen é o patrimonio?" é o título do Encontro de Lúa Chea de setembro. Será na cafetaría da Escola Politécnica Superior (Lugo) o xoves 29 de setembro ás 20 horas, coa participación do profesor Antonio Rodríguez Colmenero e o xornalista e divulgador Manuel Gago. A entrada é libre.


V Somos a curta! (Somos a curta! , mércores, 12 de outubro de 2016)

A quinta edición do certame "Somos a curta!" premia a mellor peza audiovisual curta de comedia en galego presentada por calquera alumno ou grupo de alumnos das universidades galegas, das titulacións impartidas nas escolas oficiais de Imaxe e Son ou da titulación de bacharelato artístico de calquera dos institutos de educación secundaria de Galicia.

O prazo para presentar as propostas remata o día 12 de outubro de 2016. Os premios do certame está dotados con 500 e 250 euros e diploma honorífico. Tamén haberá un premio do público, dotado con diploma honorífico.


II Concurso radiodramas en galego (Radiodramas en galego , mércores, 12 de outubro de 2016)

O Concurso de radiodramas en galego premia o mellor guión radiofónico dramático en galego presentada por calquera alumno ou grupo de alumnos da USC, estudantes das titulacións de Comunicación Audiovisual impartidas nas restantes universidades galegas así como o das titulacións das escolas oficiais de Imaxe e Son. O prazo para presentar as propostas, con formato de guión radiofónico dramático escrito e de gravación en arquivo dixital (mp3 ou calquera dos habitualmente utilizados en radio), remata o día 12 de outubro de 2016. Os premios do certame están dotados con 500 e 400 euros e diploma honorífico.


II Concurso literario "Mazarelos" (Mazarelos , venres, 30 de setembro de 2016)

No Premio Literario "Mazarelos"de Filoloxía pode participar o estudantado de grao, mestrado e doutoramento que estea matriculado na USC en calquera momento do ano 2016 anterior á finalización do prazo de presentación, que remata o 30 de setembro de 2016 ás 14:00 horas, que presente unha única obra de calquera xénero literario ou tema, orixinal, escrito en lingua galega e inédito. Os premios do certame son de 500, 250 e 150 euros e diploma honorífico.


#TEDSaúde: Concurso de subtitulación de vídeos TED de ciencias da saúde ao galego (#TEDSaúde , xoves, 10 de marzo de 2016)

Tes ata o 10 de marzo para inscribirte no concurso de subtitulación de vídeos TED de ciencias da saúde ao galego. Se non formas parte da comunidade TED pero si da comunidade universitaria, a USC ofréceche un obradoiro para aprender a manexar a plataforma de subtitulación e mellorar na tradución que se desenvolverá o 17 de marzo. Tanto neste caso como se es xa membro de TED, dispoñerás dun mes para traducir e subtitular o vídeo que che corresponda. Optarás a premios de 250 e 150 euros!


Concurso de microrrelatos a través de Facebook (Concurso de microrrelatos a través de Facebook , venres, 01 de abril de 2016)

Para participar neste concurso debes presentar un microrrelato, en lingua galega, co tema "o feito de contar" e ter unha extensión máxima de 100 palabras no perfil de Facebook da Facultade de Humanidades da USC do 1 de marzo ao 1 de abril de 2016.  Un xurado decidirá o premio de 200 euros. Tamén haberá un premio do público, de 100 euros. Consulta as bases!


Mellora o teu discurso oral (Mellora o teu discurso oral , venres, 15 de abril de 2016)

Ata o 15 de marzo poderás preinscribirte no obradoiro "Mellora o teu discurso oral", que se celebrará na Facultade de Filoloxía do 28 de marzo ao 14 de abril en horario de 17-19 h, aberto para todo o alumnado. A matrícula son 30 euros, recibirás un diploma de asistencia por 25 horas e ten recoñecido 1 ECTS para todas as titulacións de grao.


XII Premios á calidade lingüística 2015-2016 (XII Premios á calidade lingüística 2015-2016 , venres, 30 de setembro de 2016)

Poderás participar nos XII Premios á calidade lingüística ata o 29de xullo, se o vas facer na modalidade de traballos académicos, e ata o 30 de setembro, se o fas na de TFG , PFC ou TFM. Tes que presentar o traballo e a documentación nos rexistros da USC. Hai cinco premios de 150, 300 e 500 euros, segundo cadansúa modalidade, por cada área de coñecemento.


Matrícula nos cursos de galego para non galegofalantes (Centro de Linguas Modernas , mércores, 10 de febreiro de 2016)

O Centro de Linguas Modernas da USC mantén aberto ata o mércores 10 o prazo de matrícula por internet en todos os cursos do segundo semestre, incluído o curso de galego para non galegofalantes, do nivel A.1. Teñen 40 horas presenciais e dez de traballo autónomo tutelado, que quedará reflectido nas certificacións.  Así, o alumnado obterá por un curso semestral 2 créditos ECTS cando cumpra os requisitos da normativa da USC.


Día Internacional da Lingua Materna (Día Internacional da Lingua Materna , domingo, 21 de febreiro de 2016)

O Día Internacional da Lingua Materna celébrase anualmente o 21 de febreiro para promover a consciencia sobre a diversidade lingüística e cultural e sobre o plurilingüismo do planeta. Foi establecido pola UNESCO o 17 de novembro de 1999. A súa celebración tamén foi recoñecida formalmente pola Asemblea Xeral das Nacións Unidas na resolución que establecía 2008 como Ano Internacional das Linguas.


Entrega dos Premios á calidade lingüística (Premios á calidade lingüística , luns, 22 de febreiro de 2016)

O luns 22 de febreiro farase entrega dos Premios á calidade lingüística do pasado curso 2015-2016 ás persoas que os conseguiron nas súas diversas modalidades: traballos académicos, traballos de fin de grao e proxectos de fin de carreira, e mais traballos de fin de mestrado. Será na Sala de Profesorado da Facultade de Xeografía e Historia ás 11:00. Intervirán o reitor da USC, Juan Viaño Rei, o decano da Facultade, Juan M. Monterroso, a vicerreitora de Política Lingüística, Carme Silva, e está convidado o secretario xeral de Política Lingüística da Xunta de Galicia, Valentín García Gómez.


Presentación do Vocabulario de Criminoloxía , xoves, 04 de febreiro de 2016)

O xoves 4 de febreiro ás 12:30 h presentarase o Vocabulario de Criminoloxía (galego-español-inglés), que fai o numero 7 da colección "Vocabularios temáticos" do Servizo de Normalización Lingüística. Será na Sala de Xuntas do Decanato da Facultade de Dereito.


Remata a inscrición nas probas dos Celga (Xunta de Galicia , luns, 08 de febreiro de 2016)

A Secretaría Xeral de Política Lingüística lembra que o 8 de febreiro pecha o prazo de inscrición para as probas de acreditación da lingua galega (Celga). As probas celebraranse nas fins de semana do 2 e 3 de abril (Celga 4 e Celga 2, respectivamente) e do 9 e 10 do mesmo mes (Celga 3 e Celga 1, respectivamente), en Santiago de Compostela e Ponferrada (León).


 


Xornada de recursos educativos en galego: educación artística , xoves, 05 de novembro de 2015)

A Comisión de Normalización Lingüística da Facultade de Ciencias da Educación organiza a VIII Xornada "Os recursos educativos en galego: A educación artística". Desenvolverase o día 5 de novembro de 2015 no Salón de Actos da Facultade de Ciencias da Educación (Xoán XXIII s/n, Campus Norte), co obxectivo princpial de crear un espazo para o debate e a reflexión ao redor dos recursos educativos en lingua galega. O prazo para matricularse (gratuíto) remata o 30 de outubro.


Obradoiro de elaboración de TFG/PFC/TFM , venres, 30 de outubro de 2015)

O día 30 de outubro remata o prazo para matricularse no Obradoiro de elaboración de TFG/TFM, que ten recoñecido 1 ECTS para todas as titulacións. Dirixido ao alumnado de grao ou máster que teña que afrontar a realización destes traballos no actual curso académico, darache as pautas para inicialo con eficacia dende o principio.


Día da Ciencia en Galego , mércores, 04 de novembro de 2015 ao sábado, 07 de novembro de 2015)

A celebración do Día da Ciencia en Galego na USC abrangue actividades os días 4 e 7 de novembro como un roteiro xeolóxico polo centro de Lugo, dúas conferencias sobre o compromiso cívico e o labor investigador de Parga Pondal, e unha nova edición do Wikimaratón, en Lugo, así como un centro de interese sobre Parga Pondal e Gomez-Reino e mais dous obradoiros (un para nenos e outro para adultos) no Museo de Historia Natural da USC en Santiago.


Encontros de Lúa Chea (outubro). Autoconsumo eléctrico , mércores, 28 de outubro de 2015 ao mércores, 28 de outubro de 2015)

Pasado o verán e entrado o outono, volvemos a poñernos en marcha propoñendo temas de actualidade sobre os que reflexionar. 
Desta vez, aproveitamos o debate xerado arredor do Real decreto sobre autoconsumo enerxético (tamén coñecido como o "imposto ao sol"), aprobado neste mesmo mes de outubro, para tratar o tema do autoconsumo eléctrico. 
Trátase dunha alternativa que en Galicia ten moitas potencialidades, pola dispersión da poboación e pola abundancia de recursos como o vento, a auga e o sol (si, tamén o sol), que son os empregados para a xeración de electricidade a nivel doméstico.

O Encontro abrirase coa intervención de Miguel Á. González García, profesor de Electrotecnia na USC, que nos introducirá no tema e no estado actual da cuestión.


Entrega dos X Premios á calidade lingüística 2013-14 , martes, 10 de marzo de 2015)

O vindeiro martes 10 de marzo a USC entregará os X Premios á calidade lingüística dos traballos académicos, TFG, PFC e TFM, correspondentes ao pasado curso académico. Será nun acto que se desenvolverá ás 12:00 horas na Sala de Profesores da Facultade de Xeografía e Historia, presidido polo reitor, Juan Viaño, e polo secretario xeral de Política Lingüística, Valentín García, que financia os Premios.


Concurso de Proxectos Empresariais Innovadores da USC (Concurso de Proxectos Empresariais Innovadores da USC , martes, 07 de abril de 2015)

Podes presentarte ata o 7 de abril ao Concurso de Proxectos Empresariais Innovadores da USC nunha nova modalidade, a de relación ou interese coa lingua galega, dotada cun premio de 1000 euros. O concurso diríxese a estudantes e titulados/as de calquera das universidades galegas e dos centros asociados da UNED en Galicia,  doutorandos/as, persoal de investigación e alumnado de terceiro ciclo que estea preparando unha memoria de licenciatura ou que desenvolvan actividades investigadoras en calquera centro de investigación galego, así como empresas constituídas en 2014 ata o inicio desta convocatoria


Explícoche Matemáticas 2.0 (Explícoche Matemáticas 2.0 , mércores, 08 de abril de 2015)

Dispoñedes ata o 8 de abril para presentardes os vosos vídeos para explicar en non máis de 2 minutos un concepto matemático en lingua galega. Aberto á comunidade universitaria galega e a grupos de estudantes de 3º e 4º da ESO e 1º e 2º de Bacharelato dos centros de educación secundaria de Galicia, coordinados por un profesor. o obxectivo do concurso é promover a utilización do galego como medio de transmisión das Matemáticas, así como a creatividade do alumnado.


Axudas ás teses en galego (Axudas ás teses de doutoramento en galego , sábado, 31 de outubro de 2015)

Ata o 31 de outubro de 2015 poderán presentar as solicitudes de axuda aquelas persoas que defenderan a súa tese de doutoramento en galego na USC entre o 1 de novembro de 2014 e o 30 de outubro de 2015. A axuda económica consiste nun máximo de 400 euros para gastos de edición da tese.


Que fala falas? (debate) (??? Paragraph[1]/Links[1]/Description ??? , mércores, 11 de febreiro de 2015)

A Comisión de Normalización Lingüística da Facultade de Filoloxía organiza para o vindeiro martes 11 de febreiro ás 19 h no seu Salón de Graos un debate sobre o uso dos localismos na fala, no que participarán Xosé Luís Regueira, catedrático de Filoloxía Galega e membro da RAG; Paulino Novo, coordinador de lingüistas da CRTVG; Lorena Pose, presentadora d’A revista de fin de semana da TVG; e Federico Pérez, actor ben coñecido, entre outros, polo seu papel de Moncho en Era Visto.


Cursos de lingua galega para non galego-falantes (Centro de Linguas Modernas , xoves, 05 de febreiro de 2015)

Podes matricularte nos Cursos de lingua galega para non galego-falantes ata o 5 de febreiro no Centro de Linguas Modernas. Trátase de cursos de 40 horas lectivas, con carácter cuadrimestral. Crrespóndense cun nivel de usuario básico, o que en termos do Marco Europeo de Referencia é un A1.1. En febreiro iníciase a segunda quenda destes cursos de formación, que terán lugar dous días á semana en Santiago (Fac. Filosofía, á mañá) e Lugo (Fac. Humanidades, ao serán) de febreiro a maio. 


Obradoiro de elaboración de TFG/PFC e TFM (Obradoiro de TFG,PFC e TFM , venres, 31 de outubro de 2014)

O día 31 de outubro dará comezo o Obradoiro de elaboración de TFG/PFC e TFM en galego na Facultade de Historia. Ten recoñecido 1 crédito ECTS por competencias transversais (en lingua galega). Entregarase diploma de asistencia por 30 horas.


Proxéctate en galego! (Proxéctate , mércores, 19 de novembro de 2014)

O 19 de novembro ás 20:00 no Salón de Actos da Facultade de Formación do Profesorado poderase acudir á proxección do filme “Encallados” e ao coloquio posterior sobre “As crises que nos afunden”, co seu director Alfonso Zarauza e co profesor Bernardo Valdés. Nesta actividade colaboran tamén o Cine Clube Valle Inclán e o colectivo universitario Na Encrucillada


Actividades do Día da Ciencia en Galego en Lugo (Día da Ciencia en Galego , martes, 04 de novembro de 2014)

As comisións de normalización do Campus de Lugo argallaron, para celebrar o Día da Ciencia en Galego, varias actividades que terán lugar na Casa do Saber:
18:30 h Obradoiro/demostración de robótica con Roberto Iglesias (Electrónica e Computación)
19:00 h Charla/demostración de astronomía con Manuel Andrade (Matemática Aplicada)
19:45 h Observación astronómica dende o adarve da Muralla.

 


Galego para non galegofalantes (Cursos de galego para non galegofalantes , venres, 26 de setembro de 2014)

Os cursos de galego para non galegofalantes teñen o prazo de inscrición aberto ata o 26 de setembro, como os restantes cursos de idiomas que organiza o CLM. O seu prezo é máis reducido: 30 euros para as persoas relacionadas coa USC.


XI Premios Luísa Villalta (XI Premio Luísa Villalta , venres, 07 de novembro de 2014)

Podes participar nos XI Premios Luísa Villalta a iniciativas normalizadoras presentando a túa proposta de actuación polo miudo ou a túa idea para estender o uso do galego na universidade ata o día 7 de novembro. Hai un único premio de 3500 euros.


X Premios á calidade lingüística dos TFG/PFC e TFM (X Premios á calidade lingüística , martes, 30 de setembro de 2014)

Ata o 30 de setembro poderás presentarte aos X Premios á calidade lingüística en galego nas modalidades de traballo de fin de grao e proxectos de fin de carreira por unha banda, e de traballos de fin de mestrado (TFM) pola outra, realizados neste curso 2013-2014. Hai cinco premios de 300 euros e diploma acreditativo por cada unha das cinco áreas de coñecemento (Ciencias da Saúde, Ciencias, Ciencias Sociais e Xurídicas, Enxeñaría e Arquitectura, Humanidades) na modalidade TFG/PFC e outros tantos de 500 euros na modalidade de TFM.


Axudas á teses en galego (Convocatoria das axudas ás teses 2014 , venres, 31 de outubro de 2014)

Ata o 30 de outubro poderás solicitar as axudas que a USC che concede por elaborares e defenderes en galego a túa tese de doutoramento durante este ano que andamos, consistentes nunha subvención de ata 400 euros para os gastos de fotocopiado e encadernación  e en asesoramento lingüístico-terminolóxico e das presentacións dixitais.


Presentación de Termos esenciais de dereito administrativo (Termos esenciais de dereito administrativo , martes, 13 de maio de 2014)

O día 13 de maio ás 13:00 h, na Facultade de Dereito, terá lugar o acto de presentación de Termos esenciais de dereito administrativo, coa presenza do secretario xeral de Política Lingüística, do decano da Facultade, da secretaria xeral da USC, e os seus autores e autoras: Alba Nogueira (profesora de Dereito Administrativo e coordinadora) e mais Xusto A. Rodríguez Río, técnico de Terminoloxía do SNL.


Xornadas sobre represión lingüística (Xornadas sobre represión lingüística , martes, 08 de abril de 2014)

A Asemblea de Filoloxía da Liga Estudantil Galega organiza este ano 2014 unhas xornadas cuxo tema central será a represión lingüística: historia e actualidade na educación, nos medios de comunicación e na cultura. Serán na Facultade de Filoloxía o 8, 9 e 10 de abril.


Repensando o curriculo educativo en Lingua e Literatura Galegas nun contexto social en mudanza (Información e matrícula , venres, 21 de febreiro de 2014)

Os días 21-22 de febreiro celebraranse na Facultade de Filoloxía da USC as xornadas Repensando o curriculo educativo en Lingua e Literatura Galegas nun contexto social en mudanza, cuxos destinatarios son o profesorado de ensino secundario da especialidade Lingua galega e Literatura, e todas aquelas persoas preocupadas polo ensino e aprendizaxe da lingua e a literatura galegas.
A matrícula nas xornadas remata o 18 de febreiro. A actividade está recoñecida como formación permanente do profesorado pola Consellería de Educación e Ordenación Universitaria con 12 horas lectivas.
 


Seminario de dinamización lingüística para o alumnado (Información e matrícula , venres, 07 de marzo de 2014)

O seminario está dirixido ao alumnado, sobranceiramente, aos estudantes con responsabilidades, ben por seren membros de asociacións, ben por seren representantes en comisións de normalización e outros órganos de goberno. Desenvolverase o venres 7 de marzo na Facultade de Dereito, de 10 a 14 h. A matrícula, de balde, debe realizarse no web do Servizo de Normalización Lingüística ata o 2 de marzo.


Obradoiros para a elaboración de TFG/TFM (Información e matrícula , luns, 10 de marzo de 2014)

Hai dous obradoiros de elaboración e defensa de traballos de fin de grao ou traballos de fin de mestrado en galego: un, na Facultade de Dereito, na Aula Informática 5, dende o día 10 de marzo os luns e os martes ao mediodía; outro, na Facultade de Económicas, na Aula Informática 7, a partir do 12 de marzo, os mércores e xoves ao mediodía, en sesións de 2 horas.
Ten recoñecido 1 crédito ECTS por competencias transversais (en lingua galega). Entregarase diploma de asistencia por 30 horas. A matrícula no curso custa 30 euros e poderase realizar o día 28 de febreiro.


Explícoche Matemáticas 2.0 (Convocatoria , luns, 31 de marzo de 2014)

A CNL da Facultade de Matemáticas convoca o concurso Explícoche Matemáticas 2.0, no que poderá participar nel calquera alumno/a das universidades galegas, e estudantes de 3º e 4º da ESO e de bacharelato dos centros de educación secundaria de Galicia.
Os participantes deberán presentar un vídeo de, como máximo, dous minutos de duración sobre un tema relacionado coas Matemáticas, ben desde un punto de vista formal (definición dun concepto, un teorema, idea intuitiva e/ou aplicación), ou ben, cun carácter divulgador, reflectindo como se utilizan as matemáticas na vida cotiá, na cultura, na arte ou na sociedade.
Outórgase un premio para cada modalidade (estudantes universitarios / estudantes de ESO e bacharelato), consistente nun tablet bq Edison 2. O prazo para concursar remata o día 31 de marzo de 2014.
 


Entrega dos IX Premios á calidade lingüística (Premios á calidade lingüística , xoves, 20 de febreiro de 2014)

Os galardóns de todas as modalidades dos IX Premios á calidade lingüística, correspondentes ao curso 2012-2013 seranlles oficialmente entregados ás persoas gañadoras nun acto académico conxunto o vindeiro xoves 20 de febreiro, xoves, ás 12:30h na Sala de Profesorado da Facultade de Xeografía e Historia en Santiago de Compostela, que contará coa presenza do reitor da Universidade de Santiago de Compostela, o secretario xeral de Política Lingüística da Xunta de Galicia e outras autoridades académicas.
 


IX Premios á calidade lingüística dos TFG, PFC e TFM (Premios á calidade lingüística , mércores, 18 de decembro de 2013)

O 18 de decembro farase pública a resolución do xurado que xulga os TFG, PFC e TFM presentados aos IX Premios á calidade lingüística, que optan a cinco premios (un por cada área de coñecemento) de 300 euros -no caso de TFG e PFC- e de 500 euros -no caso dos TFM.


Axudas ás teses de doutoramento en galego (Axudas ás teses en galego , martes, 31 de decembro de 2013 ao martes, 31 de decembro de 2013)

O 31 de decembro remata o prazo para que aquelas persoas que defenderan durante 2013 a súa tese de doutoramento en lingua galega poida solicitar a axuda de 400 euros con que a USC fomenta o uso do galego nestes traballos.


Matrícula nos cursos de redacción e deseño de traballos académicos e de investigación (Información e matrícula , mércores, 04 de decembro de 2013)

Os cursos de redacción e deseño de traballos académicos e de investigación están pensados para os estudantes da USC que desexen mellorar as súas habilidades (lingüísticas, comunicacionais, informáticas) para elaboraren traballos de calidade, e en particular, para cantos deban realizar o seu TFG, PFC, TFM ou tese de doutoramento, e simliares. Computa 30 horas, ten recoñecido 1 crédito (de libre configuración para as licenciaturas e diplomaturas, e ECTS para os graos) e custa 30 euros.

A matrícula está aberta ata o 4 de decembro. O curso terá lugar de luns a xoves no período comprendido entre o 9  (comezo do curso) e o19 de decembro, isto é os días 9, 10, 11, 12, 16, 17, 18 e 19 de decembro. Para avaliar os traballos realizados haberá tres sesións máis nos días 14, 15 e 16 de xaneiro de 2014.


Somos a curta! Certame de curtas de comedia 2013 (Somos a curta! , venres, 25 de outubro de 2013)

Se es estudante dalgunha das universidades galegas, de Imaxe e Son, ou de bacharelato artístico neste ano 2013, podes participar no III Premio de curtas de comedia  «Somos a curta!»

Non tes máis que enviar tres dvd coa peza e os datos correspondentes á Comisión de Normalización Lingüística da Facultade de Ciencias da Comunicación da USC antes do 15 de outubro. En novembro, todas as curtas presentadas exhibiranse nunha gala especial na propia Facultade, na que o xurado outorgará dous premios de 400 e 200 euros, e o público elixirá que fita leva o seu premio, galardoado con diploma honorífico.


VI Xornadas de recursos educativos en galego (Información e inscrición , venres, 04 de outubro de 2013)

A Facultade de Ciencias da Educación organiza as VI Xornadas de recursos educativos en galego, desta volta centradas na educación social. Desenvolveranse na sede do Campus Sur da dita facultade os días 8 e 9 de novembro de 2013.

Os participantes acreditados terán dereito a un diploma de asistencia por 14 horas (haberá control de asistencia). A inscrición está aberta ata o día 4 de novembro e custa 10 euros.


V Xornadas de Educación e Linguas en Galicia (Información e inscrición , venres, 18 de outubro de 2013)

As V Xornadas "Educación e linguas en Galicia" centraranse nos trinta anos da aprobación da Lei de normalización lingüística, e desenvolveranse na Facultade de Ciencias da Educación (Campus Sur) os días 25 e 26 de outubro.

Teñen recoñecido 1 ECTS para todas as titulacións de grao. A matrícula está aberta ata o día 18 de outubro e custa 10 euros.


Proxectate en galego 2013 (Información e inscrición , martes, 15 de outubro de 2013)

O Foro 2013 de Proxectate en Galego! vaise desenvolver na Casa do Saber (Vicerreitoría do Campus de Lugo) os días 18-19-20 de outubro de 2013. A inscrición remata o día 15 de outubro e custa 5 euros, o que inclúe a excursión o domingo a San Paio de Narla. Tamén se pode asistir libremente ata completar o aforo.

A USC emitirá un diploma de asistencia á actividade, no cal figurará o número de horas presenciais (16 h), a todas aquelas persoas que se inscriban e asistan regularmente ao foro.


Cursos intensivos de idiomas do CLM en xullo (Cursos intensivos de verán , luns, 08 de xullo de 2013)

Do día 1 ao 25 de xuño estará aberta a matrícula en 27 cursos intensivos de verán de 18 linguas diferentes: alemán, árabe, catalán, checo, chinés, danés, eslovaco, euskera (novidade), francés, grego moderno, húngaro, inglés, italiano, lingua de signos, polaco, portugués, ruso e xaponés. Estes cursos desenvolveránse en horario de 9:30 a 13:45 polas mañás ou de 15:30 a 19:45 horas polas tardes, entre os días 8 e 19 do mes de xullo de 2013, nas aulas da USC de Santiago e Lugo.
 
Estes cursos diríxense sobre todo ao alumnado da USC que vaian ir a unha universidade estranxeira cunha bolsa dos programas de mobilidade durante o curso 2013-2014, aínda que tamén están abertos a outras persoas interesadas. Daráselle maior importancia á práctica das destrezas orais que ás outras. Os cursos de inglés e de francés poden ser útiles para preparar os exames de acreditación de nivel B1 segundo o MCER.


X Premios Luísa Villalta a iniciativas normalizadoras (Premios Luísa Villalta , venres, 08 de novembro de 2013)

Se es membro  (estudantes, docentes, PAS)  de calquera das tres universidades galegas, ben a título individual, ben en equipo (como comisións de normalización, organización estudantil, etc.) podes participar nos X Premios Luísa Villalta a iniciativas normalizadoras nalgunha das súas dúas modalidades: campaña ou idea, dotadas con 1500 e 1000 euros, respectivamente.


Presentación de Termos esenciais de dereito civil , martes, 23 de abril de 2013)

O día 23 de abril ás 11:00 h, na Facultade de Dereito, terá lugar o acto de presentación de Termos esenciais de dereito civil, coa presenza do secretario xeral de Política Lingüística, do decano da Facultade, da secretaria xeral da USC, e dous seus autores e autoras: Antonia Nieto Alonso (coordinadora), Marta Carballo Fidalgo, Ana Díaz Martínez, Isabel Espín Alba, Margarita Herrero Oviedo, Marta Madriñán Vázquez, Marta Otero Crespo, Ángel Luis Rebolledo Varela (docentes da Área de Dereito Civil da USC) e mais Xusto A. Rodríguez Río, técnico de Terminoloxía do SNL.


XXVI Cursos de verán de lingua e cultura galega para estranxeiros (Instituto da Lingua Galega , xoves, 04 de xullo de 2013)

Os Cursos (do 4 ao 24 de xullo) danlle ao alumnado a oportunidade de familiarizarse coa lingua galega e coa realidade sociocultural de Galicia. Amais das clases de lingua, están programadas leccións sobre literatura, historia, xeografía, arte etc., de Galicia, así como visitas a lugares de especial interese cultural da cidade. Hai tres niveis: elemental (de iniciación á lingua para quen desexe introducirse no seu coñecemento), medio e superior.

A inscrición cómpre facela antes do 1 de maio.


Premios á calidade lingüística dos traballos académicos, TFG, PFC e TFM (Premios á calidade lingüística , venres, 31 de maio de 2013)

Os premios á calidade lingüística para os traballos elaborados en lingua galega outórganse en tres modalidades: a) traballos académicos, b) traballos de fin de grao e proxectos de fin de carreira, c) traballos de fin de mestrado. Prazos de presentación: a) 31 de maio; b) 25 de setembro; c) 4 de outubro. Hai cinco premios por área de coñecemento en cada modalidade: a) cinco premios de 150 euros; b) cinco premios de 300 euros; c) cinco premios de 500 euros.


Concurso de lemas na EPS (Escola Politécnica Superior , martes, 30 de abril de 2013)

A Comisión de Normalización Lingüística da EPS convoca un concurso de lemas en lingua galega para a promoción do centro. O prazo de presentación de orixinais remata o 30 de abril de 2013.


V Fiadeiro de localización de software libre (V Fiadeiro de localización de SL , xoves, 25 de abril de 2013 ao sábado, 27 de abril de 2013)

Os días 25 e 27 de abril desenvolverase en 12 horas presenciais na ETSE o V Fiadeiro de localización de software libre, aberto a toda a comunidade universitaria. O obxectivo é aprender a localizar ao galego e localizar aplicacións de software libre. A inscrición (10 euros) está aberta ata o día 22 de abril. Diploma de asistencia, constancias da experiencia de tradución, Premio "Máis e mellor". Solicitados 1 ECTS e 1 CLC para todas as titulacións.


IX Premio a artigos xornalísticos normalizadores do Concello de Carballo (Bases , xoves, 11 de abril de 2013)

O Concello de Carballo, desde o seu Servizo de Normalización Lingüística e en colaboración con varios medios de comunicación escritos, convoca o IX Premio a artigos xornalísticos normalizadores 2013 cos seguintes obxectivos:

- Incentivar a reflexión sobre a situación social da lingua galega.
- Crear espazos nos medios para fomentar o uso do idioma galega.
- Promover o uso do galega na prensa escrita

Os concursantes poderán presentar os seus artigos ata o 11 de abril no Rexistro do Pazo da Cultura ou en calquera oficina de correos. Outorgarase un único premio de 1.000 euros brutos e a publicación do artigo en todos os medios colaboradores.


Convocatoria das probas Celga para o ano 2013 (Información e matrícula , mércores, 03 de abril de 2013)

Pola  Resolución do 28 de decembro de 2012, a Secretaría Xeral de Política Lingüística convoca   as probas para a obtención dos certificados de lingua galega, niveis Celga 1, 2, 3 e 4 no ano 2013. Os exames desenvolveranse no mes de xuño en Santigo, A Coruña, Lugo, Ourense e Vigo, así como en Madrid, Barcelona e Ponferrada. O importe da taxa para inscribirse é de 15,61 euros.


Presentación de Termos esenciais de Arquitectura de Computadores , xoves, 14 de marzo de 2013)

Ás 12 h no Salón de Actos da ETSE terá lugar o acto de presentación de Termos esenciais de Arquitectura de Computadores, da autoría do profesor Elisardo Iglesias e do terminólogo do SNL Xusto Rodríguez Río.


Remata a matrícula no Obradoiro de TFG/TFM (Información e matrícula , domingo, 10 de marzo de 2013)

Do 1 ao 10 de marzo o alumnado de Económicas poderá inscribirse no Obradoiro de elaboración ed e defensa de traballos de fin de grao ou traballos de fin de master en galego.
 


Explícoche matemáticas 2.0 (Convocatoria , venres, 01 de marzo de 2013)

Explícoche Matemáticas 2.0 é un concurso dirixido a todo o alumnado da Facultade de Matemáticas da USC, no marco da celebración do Día da Ciencia en Galego 2012 e do Mes da Ciencia 2012.

 O obxectivo do concurso é promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes de dous minutos de duración nas que se explique en galego un concepto matemático.


Cursos preparatorios dos Celga (Convocatoria , venres, 25 de xaneiro de 2013)

A Secretaría Xeral de Política Lingüística convoca para o ano 2013 un total de 120 cursos de lingua galega preparatorios para as probas dos niveis Celga 1, Celga 2, Celga 3 e Celga 4. Trátase dunha formación voluntaria e gratuíta, dirixida a particulares que desexen participar nos cursos e tamén a colectivos, entidades e/ou asociacións de Galicia interesadas en organizalos. Teñen unha duración de 70 horas e desenvolveranse entre marzo e maio. As solicitudes deben dirixirse aos gabinetes provinciais de Normalización Lingüística correspondentes ata o 25 de xaneiro.


IV Xornadas Recursos Educativos en Galego: Formación profesional (IV Xornadas de recursos educativos en galego , venres, 16 de novembro de 2012 ao sábado, 17 de novembro de 2012)

As IV Xornadas de recursos educativos en galego dedicanse desta volta á formación profesional. Desenvólvense os días 16 e 17 de novembro na Facultade de Ciencias da Educación (Campus Vida) e o prazo de inscrición remata o 12 de novembro.


Tes 5 minutos... grávao e cóntanolo! , venres, 23 de novembro de 2012 ao venres, 23 de novembro de 2012)

Concurso de vídeos da Facultade de Económicas, aberto a toda a comunidade universitaria, para tratar conceptos e temáticas relacionadas coa empresa e a economía. Bases e vídeo promocional sobre a prima de risco. Prazo de presentación ata o 23 de novembro!


VIII Premios á calidade lingüística dos traballos académicos, TFG e proxectos de fin de carreira (Premios á calidade e á excelencia lingüística , domingo, 23 de setembro de 2012)

Dezaseis centros da USC organizan os VIII Premios á calidade e VI Premio á excelencia lingüística para este curso 2010-2011, co obxectivo de fomentar o uso do galego e o coidado pola calidade formal dos traballos académicos das titulacións de grao, así como das de 1º e 2º ciclo, sexan estes traballos de curso (modalidade a) ou traballos de fin de grao e proxectos fin de carreira (modalidade b). Podes gañar ata 600 euros! Preséntaos ata o 23 de setembro.


«Somos a curta!» II Premio de curtas de comedia 2012 (Somos a curta! , mércores, 07 de novembro de 2012)

Se es estudante dalgunha das universidades galegas, de Imaxe e Son, ou de bacharelato artístico neste ano 2012, podes participar no II Premio de curtas de comedia  «Somos a curta!»

Non tes máis que enviar tres dvd coa peza e os datos correspondentes á Comisión de Normalización Lingüística da Facultade de Ciencias da Comunicación da USC antes do 7 de novembro. Unha semana máis tarde, o 14 de novembro, todas as curtas presentadas exhibiranse nunha gala especial na propia Facultade, na que o xurado outorgará dous premios de 400 e 200 euros, e o público elixirá que fita leva o seu premio, galardoado con diploma honorífico.
 


Axudas a teses e TFM en galego (Axudas á investigación en galego , luns, 31 de decembro de 2012)

Ata o 31 de decembro poderás solicitar as axudas que a USC che concede por elaborares e defenderes en galego a túa tese de doutoramento, o traballo de fin de máster, a memoria de licenciatura ou o TIT, consistentes nunha subvención aos gastos de fotocopiado e encadernación (ata 400 euros, no caso das teses, e 150 nos demais casos) e en asesoramento lingüístico-terminolóxico e das presentacións dixitais.


IX Premios Luísa Villalta a iniciativas normalizadoras (Premios Luisa Villalta , venres, 09 de novembro de 2012)

Se es membro  (estudantes, docentes, PAS)  de calquera das tres universidades galegas, ben a título individual, ben en equipo (como comisións de normalización, organización estudantil, etc.) podes participar nos IX Premios Luísa Villalta a iniciativas normalizadoras nalgunha das súas dúas modalidades: campaña ou idea, dotadas con 2000 e 1000 euros, respectivamente.


Correlingua 2012 (Correlingua , mércores, 02 de maio de 2012)

Galego: todo o que buscas. Tal é o lema do Correlingua deste ano, que comeza o día 2 en Ourense e chega a Santiago e a Lugo os días 7 e 8 de maio.

Lembra que o Correlingua é un conxunto de carreiras pola lingua en que participan centros de ensino de toda Galiza, que se celebran de xeito regular desde o 2000. Cada unha das carreiras rematará cunha festa pola lingua que contará con actuacións teatrais e musicais por parte dos artistas convidados e do propio alumnado.


VIII Premios á calidade lingüística dos traballos académicos, TFG e proxectos de fin de carreira (Premios á calidade , mércores, 01 de febreiro de 2012 ao domingo, 23 de setembro de 2012)

Dezaseis centros da USC organizan os VIII Premios á calidade e VI Premio á excelencia lingüística para este curso 2010-2011, co obxectivo de fomentar o uso do galego e o coidado pola calidade formal dos traballos académicos das titulacións de grao, así como das de 1º e 2º ciclo, sexan estes traballos de curso (modalidade a) ou traballos de fin de grao e proxectos fin de carreira (modalidade b). Podes gañar ata 600 euros! Preséntaos ata o 23 de setembro.


Matrícula para os exames dos Celga (Convocatoria da SXPL no DOG , mércores, 01 de febreiro de 2012 ao martes, 03 de abril de 2012)

Ata o 3 de abril está aberto o prazo de matrícula nas probas para a obtención dos Certificados de lingua galega (Celga) en 2012, ás que se poderán presentar persoas maiores de 16 anos. Os exames dos Celga 1, 2, 3 e 4 serán no mes de xuño en varias cidades galegas e españolas.




 


Obradoiro de linguaxe e redacción xurídica en galego (Información e matrícula , luns, 06 de febreiro de 2012 ao martes, 06 de marzo de 2012)

Ata o 6 de marzo está aberto o prazo de matrícula no "Obradoiro de linguaxe e redacción xurídica en galego I", destinado ao alumnado das titulacións de Dereito. A inscrición é de balde e está recoñecido cun crédito de libre configuración. Desenvolverase na propia Facultade de Dereito (aula 15) os xoves 8, 15, 22 e 29 de marzo e 12, 19 e 26 de abril: tres horas unha tarde á semana, de 16:00 a 19:00 h.


Remata a matrícula nos cursos de elaboración de traballos académicos (Cursos de redacción e deseño de traballos académicos e de investigación , venres, 09 de decembro de 2011)

O día 9 de decembro remata o prazo de matrícula nos cursos de redacción e deseño de traballos académicos e de investigación, que comezarán o luns 12 en Psicoloxía, Dereito, Filosofía (no Campus de Santiago) e en Dirección e Administración de Empresas de Lugo.


Somos a curta! A curta gañadora é... (Somos a curta! , mércores, 14 de decembro de 2011)

O mércores 14 de decembro, nunha gala que comezará ás 19:30 horas no Salón de Actos da Facultade de Ciencias da Comunicación, exhibiranse as cinco curtas finalistas do concurso «Somos a curta!» e o xurado decidirá cal é a fita gañadora dos 600 euros de premio. O xurado está formado polo crítico e director de cinema Xurxo González, o actor Miguel de Lira e os profesores e membros da CNL da Facultade Xosé López e Marta Pérez.


Xornadas de Recursos educativos: Bacharelato (IV Xornadas de recursos educativos en galego , venres, 16 de decembro de 2011)

Os días 16 e 17 de decembro desenvolveranse na Facultade de Ciencias da Educación as IV Xornadas sobre recursos educativos, centradas desta volta no nivel de bacharelato.


Somos a curta! Certame de comedia (Somos a curta! , venres, 25 de novembro de 2011)

A Comisión de Normalización Lingüística da Facultade de Ciencias da Comunicación convoca o certame "Somos a curta!", dirixido a premiar a mellor peza audiovisual curta de comedia en galego presentada por calquera alumno ou grupo de alumnos das universidades galegas, das titulacións impartidas nas escolas oficiais de Imaxe e Son ou da titulación de bacharelato artístico de calquera dos institutos de educación secundaria de Galicia.

O prazo para presentar as propostas remata o día 25 de novembro de 2011. As pezas presentadas ao concurso exhibiranse ao público nunha gala, que se celebrará na Facultade de Ciencias da Comunicación o 14 de decembro de 2011. Un xurado decidirá e outorgará o premio do certame, dotado con 600 euros e diploma honorífico.


"Pelos na lingua", en Económicas , mércores, 16 de novembro de 2011)

O vindeiro día 16 de novembro ás 12:00 h, na Facultade de Ciencias Económicas e Empresariais, o grupo Talía poñerá en escena "Pelos na lingua", un novo espectáculo de humor e retranca sobre a situación da lingua galega, que segue a "Bicos con lingua". Organiza a Comisión de Normalización Lingüística e enmárcase dentro da Quincena Cultural do centro. A entrada é libre e de balde.


III Xornadas Educación e linguas en Galicia (Educación e linguas en Galicia , venres, 25 de novembro de 2011)

Os días 25 e 26 de novembro celebranse as III Xornadas Educación e linguas en Galicia, organizadas pola Comisión de Normalización Lingüística da Facultade de Ciencias da Educación. Desta volta centraranse no imaxinario social sobre o galego. O prazo de matrícula está aberto ata o día 10 de novembro e é de balde. Está solicitado 1 CLC para todas as titulacións.


Xornadas Os medios en galego, importan? (Os medios en galego, importan? , martes, 08 de novembro de 2011)

Os días 8, 9 e 10 de novembro celebraranse na Facultade de Ciencias da Comunicación as Xornadas "Os medios en galego, importan?", organizadas pola Comisión de Normalización Lingüística do centro.


Presentación de novas unidades didácticas (Colección "UD. Unidades didácticas" , venres, 25 de novembro de 2011)

As vinte e catro novas unidades didácticas froito do último "Obradoiro de elaboración de unidades didácticas", celebrado na Facultade de Veterinaria, será presentadas no Campus de Lugo.


Curso de verán: Aprender a localizar aplicativos ao galego (Aprende traducindo , luns, 05 de setembro de 2011)

O curso, de 16 horas lectivas, desenvolverase do 5 ao 8 de setembro na facultade de Dereito. Os obradoiros, en horario de tarde todos eles, tratarán de introducir no mundo do software aberto e da localización ao galego a todos e todas as participantes ao longo destes catro días.


VIII Premio «Luísa Villalta» (Premio Luísa Villalta , venres, 11 de novembro de 2011)

Ata o 11 de novembro poderás presentar os teus traballos ao VIII Premio Luísa Villalta a iniciativas normalizadoras. Podes optar a un premio de 3000 euros, se deseñas unha campaña normalizadora que desenvolva unha iniciativa orixinal que teña como obxectivo fomentar o uso do galego no ámbito universitario, ou a un de 1500 euros, se presentas unha idea para a promoción do galego que de xeito razoado explique unha proposta cuxo obxectivo for o fomento da lingua galega no ámbito universitario.


Curso de Verán «Témoslle lei: O galego no Dereito» (Curso de verán , luns, 12 de setembro de 2011)

O 12, 13 e 14 de setembro desenvolverase na Facultade de Dereito da USC o curso de verán «Témoslle lei: O galego no Dereito», para achegar aos estudantes de Dereito e ao público interesado información e reflexións sobre os dereitos lingüísticos e o exercicio do Dereito en Galicia.
 


Obradoiro PDI: Redacción e linguaxe xurídica galega (Programa de Formación e Innovación Docente , venres, 03 de xuño de 2011)

Ata o día 3 de xuño está aberta a matrícula no Obradoiro de redacción e linguaxe xurídica galega, que se desenvolverá na Facultade de Dereito entre os días 8 e 28 de xuño en horario de 16 a 18 h. Computa 30 horas, das cales 20 son presenciais.


Premios á calidade e á excelencia lingüística (Premios á calidade e á excelencia lingüística , venres, 09 de setembro de 2011)

Quince centros organizan os VII Premios á calidade e V Premio á excelencia lingüística para este curso 2010-2011, co obxectivo de fomentar o uso do galego e o coidado pola calidade formal dos traballos académicos das titulacións de grao, así como das de 1º e 2º ciclo, sexan estes traballos de curso (modalidade a) ou traballos de fin de grao e proxectos fin de carreira (modalidade b). Podes gañar ata 600 euros! Preséntaos ata o 9 de setembro.
 


Obradoiro de elaboración de unidades didácticas (Programa de Formación e Innovación Docente , mércores, 08 de xuño de 2011)

Este obradoiro desenvolverase na Facultade de Veterinaria e está dirixido ao PDI e persoal en formación do Campus de Lugo. O seu obxectivo principal é promover a elaboración e utilización de unidades didácticas de calidade como instrumento docente na USC, así como facilitar o uso da lingua galega nos materiais docentes. Insírese no PFID, consta de 30 horas e nelas elabórase con apoio unha UD que será publicada pola Universidade.


Correlingua 2011 (Correlingua , luns, 02 de maio de 2011)

A primeira carreira do Correlingua 2011 hase celebrar en Santiago de Compostela. En todos estes meses haberá concursos de vídeo, galeoke, manifesto, banda deseñada, vídeo, cantalingua...
 


Videomaton na Universidade , luns, 04 de abril de 2011)

Desenvolveranse  tres videomatóns para que os universitarios/as poidan falar libremente perante a cámara e opinaren sobre como conciben o noso idioma.

  • 5 de abril. 10:00-14:00. Campus Norte. Facultade de Ciencias da Comunicación
  • 8 de abril. 10:00-14:00. Campus Sur. Biblioteca Concepción Arenal
  • 11 de abril. 10:00-14:00. Campus de Lugo. Biblioteca Intercentros

Unha cámara e un equipo de catro persoas serán os encargados de rodar a túa intervención, que poderás realizar entre as 10 e as 14 horas.


Obradoiro de linguaxe e redacción xurídica (Cursos de formación , sábado, 16 de abril de 2011)

O día 15 de abril remata o prazo para que os alumnos e alumnas da Facultade de Dereito se inscriban no "Obradoiro de linguaxe e redacción xurídica I", recoñecido con 1 crédito de libre configuración. É un curso de 30 horas (20 delas, presenciais) que se desenvolverá na propia Facultade de Dereito, impartido por Martín Ramos ínsua, do Servizo de Asesoramento Lingüístico do Colexio de Avogados de Santiago. Información e matrícula no web anexo.


Presentacións en Dereito (Témoslle lei , martes, 29 de marzo de 2011)

Ás 12  h do día 29 de marzo presentarase na Facultade de Dereito os Termos básicos de dereito constitucional así como dez unidades didácticas correspondentes a varias materias de Dereito. Trátase de actuacións enmarcadas dentro do plan de normalización do centro «Témoslle lei».
 


Cursos de linguaxe administrativa na USC (Cursos de linguaxe administrativa , luns, 21 de marzo de 2011)

O Servizo de Programación e Formación de PAS da USC convoca dous cursos de linguaxe administrativa de 30 horas, que se desenvolverán do 21 de marzo ao 8 de abril, en quendas de mañá (13-15 h) e tarde (17-19 h). O prazo para solicitar a inscrición remata o 15 de marzo.


III ETSE Open de SL / Fiadeiro de localización de software libre (III Fiadeiro de localización de SL , martes, 29 de marzo de 2011)

Toda a comunidade universitaria pode participar nesta terceira edición do Fiadeiro. Formación e participación na localización para o galego de aplicacións libres son os eixos desta actividade que organiza a CNL da ETSE. Hase desenvolver os días 29 e 31 de marzo e 2 de abril na ETSE. A matrícula, de balde, do 4 ao 24 de marzo.
 


II Xornadas «Achégandonos ao medio rural» (Achegándonos ao medio rural , mércores, 16 de marzo de 2011)

Unha conferencia e catro táboas redondas ao longo de cinco días (16, 23 e 30 de marzo; 6 e 14 de abril) en cinco centros (Vicerreitoría, Veterinaria, Humanidades, EPS e Maxisterio); en total 10 horas que se recoñecen nun diploma de asistencia se estás inscrito/a (de balde).


Un galego perfecto en 30 horas (Un galego perfecto en 30 horas , luns, 14 de marzo de 2011)

Do 14 de marzo ao 4 de abril desenvolverase na Facultade de Dereito e dirixido ao seu alumnado o obradoiro «Un galego perfecto en 30 horas», co obxectivo de perfeccionar as habilidades orais e escritas na nosa lingua. O curso ten unha duración de 30 horas (20 horas presenciais e 10 para elaboración de traballos) e está recoñecido con 1 crédito de libre configuración. A actividade é de balde, e cómpre inscribirse antes do 10 de marzo.


Un galego perfecto en 30 horas , xoves, 01 de xaneiro de 1970)

Do 14 de marzo ao 4 de abril desenvolverase na Facultade de Dereito e dirixido ao seu alumnado o obradoiro «Un galego perfecto en 30 horas», co obxectivo de perfeccionar as habilidades orais e escritas na nosa lingua. O curso ten unha duración de 30 horas (20 horas presenciais e 10 para elaboración de traballos) e está recoñecido con 1 crédito de libre configuración. A actividade é de balde, e cómpre inscribirse antes do 10 de marzo.


Cursos de lingua galega para non galegofalantes (Centro de Linguas Modernas , martes, 22 de febreiro de 2011)

O día 22 de febreiro remata o prazo de matrícula nos Cursos de lingua galega para non galegofalantes (nivel usuario básico, A1 no Marco Europeo de Referencia para as Linguas) que organiza o Centro de Linguas Modernas da USC en Santiago e Lugo. Son cursos de 40 horas aos que a USC recoñece 2,5 créditos, que se desenvolven dende o 23 de febreiro ata o 2 de maio. A matrícula é de 10 euros para os estudantes da USC.


Cursos de linguaxe administrativa (Secretaría Xeral de Política Lingüística , xoves, 03 de febreiro de 2011)

A Secretaría Xeral de Política Lingüística ten convocados cursos de linguaxe administrativa, que se impartirán nas escolas oficiais de idiomas entre febreiro e marzo de 2011, na primeira quenda, e entre outubro de 2011 e xaneiro de 2012, a segunda. Os prazos de solicitude rematan o 3 de febreiro  e o 20 de setembro para cada quenda.
 


Cursos preparatorios dos Celga (Secretaría Xeral de Política Lingüística , luns, 28 de febreiro de 2011)

A Secretaría Xeral de Política Lingüística ten convocados 140 cursos de lingua galega preparatorios para as probas dos niveis dos celga 1, 2, 3 e 4, tanto para particulares (persoas adultas) como para colectivos, no ano 2011. O prazo de solicitude remata o 28 de febreiro.


III Xornadas de recursos educativos en galego: secundaria (Recursos educativos , xoves, 16 de decembro de 2010)

O 16 e 17 de decembro desenvolveranse na Facultade de Ciencias da Educación (Campus Norte) as III Xornadas de recursos educativos en galego, desta volta dedicadas ao nivel de secundaria. A actividade está recoñecida con 1 crédito de libre configuración para todas as titulacións da USC.  Pódeste matricular ata o 11 de decembro; é de balde.


Obradoiro de elaboración de unidades didácticas en galego (PFID , xoves, 09 de decembro de 2010)

Este obradoiro dirixido ao PDI ten como obxectivo principal promover a elaboración e utilización de unidades didácticas de calidade como instrumento docente na USC, así como facilitar o uso da lingua galega nos materiais docentes. Teñen preferencia os profesores e profesoras da Facultade de Dereito. Insírese no PFID, consta de 30 horas e nelas elabórase con apoio unha UD que será publicada pola Universidade.


II Xornadas «Educación e linguas en Galicia» (II Xornadas «Educación e linguas en Galicia» , venres, 26 de novembro de 2010 ao sábado, 27 de novembro de 2010)

O día 3 de novembro comeza o prazo de matrícula nas II Xornadas «Educación e linguas en Galicia», organizadas pola CNL de Ciencias de Educación e o SNL. Hanse desenvolver o 26 e 27 de novembro, co obxectivo de analizar e debater sobre a planificación para a normalización lingüística nos centros de ensino non universitario, dende un punto de vista educativo. O prazo de matrícula remata o 23 de novembro.
 


Cursos de redacción de traballos académicos e de investigación (Cursos de redacción e deseño , xoves, 11 de novembro de 2010)

A matrícula nos cursos de redacción e deseño de traballos académicos e de investigación, dirixidos a todo o alumnado da USC, remata o 10 de novembro. Os cursos comezan o 17 de novembro en Lugo e o 15 de novembro en Santiago.
 


VII Premio «Luísa Villalta» (Premio Luísa Villalta , luns, 15 de novembro de 2010)

O 15 de novembro remata o prazo para presentar propostas á sétima edición do Premio «Luísa Villalta», ben na modalidade de campaña de normalización, ben na de idea. Dous premios de 3000 e 1500 euros están en xogo.
 


Día da ciencia en galego (Dia da ciencia en galego , xoves, 04 de novembro de 2010)

A partir deste ano 2010, o 4 de novembro converterase para as galegas e os galegos nunha cita coa ciencia en galego, unha iniciativa para defender a idoneidade do uso do galego nas áreas científico-tecnolóxicas. Hai unha chea de iniciativas, entre as que sobrancean as dos equipos de dinamización lingüística.


Curso de lingua e cultura galegas para estranxeiros (Instituto da Lingua Galega , venres, 02 de xullo de 2010)

Comeza a 21ª edición deste curso que lles ofrece aos asistentes familiarizarse coa lingua galega e coa realidade sociocultural de Galicia, mediante clases teóricas e prácticas de lingua galega, leccións sobre a literatura, historia, xeografía, arte, etc., de Galicia, así como excursións e visitas a lugares de principal interese cultural e paisaxístico.


Obradoiro de elaboración de unidades didácticas (Programa de Formacion e Innovación Docente , venres, 11 de xuño de 2010)

Este obradoiro dirixido ao PDI ten como obxectivo principal promover a elaboración e utilización de unidades didácticas de calidade como instrumento docente na USC, así como facilitar o uso da lingua galega nos materiais docentes.


Obradoiro de presentacións dixitais eficientes (Programa de Formacion e Innovación Docente , xoves, 10 de xuño de 2010)

Comeza este obradoiro de PDI que pretende dar resposta ás necesidades comunicativas na docencia e estimular o uso eficiente das novas tecnoloxías na actividade docente, na divulgación científica e na comunicación institucional.
 


VI premio a artigos xornalísticos normalizadores (Concello de Carballo , luns, 03 de maio de 2010 ao luns, 03 de maio de 2010)

O Concello de Carballo, desde o seu Servizo de Normalización Lingüística (SNL) e en colaboración con dez medios de comunicación escrita, convoca por
sexto ano consecutivo o Premio a artigos xornalísticos normalizadores, un certame xa consolidado que ten como obxectivos promover a reflexión sobre a situación social da lingua galega, crear espazos nos xornais para analizar e promocionar o uso e prestixio do idioma galego e promover o uso do galego na prensa.

Os artigos deberán ter entre 2.000 e 3.500 caracteres con espazos incluídos (entre 350 e 600 palabras, aproximadamente). O prazo de admisión estará aberto até o 3 de maio. Outorgarase un premio económico ao artigo gañador, dotado con 1.200 euros.


Lingua de amor (4ª edición) (Lingua de amor , venres, 28 de maio de 2010 ao xoves, 01 de xaneiro de 1970)

O Consello da Xuventude de Galicia, a través do seu Servizo de Normalización Lingüística, presenta a cuarta edición de Lingua de amor, o concurso de cancións e declaracións de amor a través do correo electrónico, co obxectivo de fomentar o uso do galego como lingua habitual entre a xente moza nas súas comunicacións a través da rede.

Hai dúas modalidades: declaracións de amor e cancións. Entre os premios: portátiles, consolas, cámaras de fotos dixitais, iPod...

 


Correlingua 2010: Galego, a forza do noso amor (Correlingua , luns, 03 de maio de 2010)

CORRELINGUA é a denominación que adoptaron de maneira común a partir de 2001 as diversas carreiras en prol do idioma que se convocaron no país.
O Correlingua, que xa vai cara a súa décima edición, alcanzou ao longo destes anos unha alta participación dos centros de ensino e do alumnado, así como o apoio de persoeiros e organizacións de todo tipo.

Haberá carreiras nas principais cidades e vilas galegas; en Santiago de Compostela o día 3 de maio e en Lugo, o día 12.


23º curso de verán de lingua e cultura galegas para estranxeiros (ILG , luns, 01 de marzo de 2010 ao sábado, 01 de maio de 2010)

O 1º de maio remata o prazo para se inscribir nos Cursos de verán de lingua e cultura galega para estranxeiros, cuxo fin primordial é darlle ao alumnado a oportunidade de familiarizarse coa lingua galega e coa realidade sociocultural de Galicia. Amais das clases teóricas e prácticas de lingua, están programadas leccións sobre literatura, historia, xeografía, arte etc., de Galicia, así como excursións e visitas a lugares de principal interese cultural e paisaxístico. Hai tres niveis:

- Un nivel elemental, de iniciación á lingua para quen desexe introducirse no seu coñecemento. O alumnado deste nivel distribuirase en dous grupos segundo o grao de comprensión da lingua, previa a realización dunha proba.

- Un nivel medio, destinado a quen xa realizou o curso elemental ou que posúa un coñecemento básico do idioma, previa realización dunha proba.

- Un curso superior de Filoloxía Galega para quen cursou o nivel medio ou acredite un bo dominio do galego.


VI Premios á calidade e á excelencia lingüística (Premios calidade , venres, 10 de setembro de 2010)

Os VI Premios á calidade e IV Premio á excelencia lingüística teñen o obxectivo de fomentar o uso do galego e o coidado pola calidade formal dos traballos académicos das titulacións de grao, así como das de 1º e 2º ciclo, sexan estes traballos de curso (modalidade a) ou traballos de fin de grao e proxectos fin de carreira (modalidade b). Podes gañar ata 600 euros!


Comunicándomos. Concurso de publicidade en galego (Comunicándomos , venres, 23 de xullo de 2010 ao venres, 23 de xullo de 2010)

O alumnado de todas as titulacións da USC pode presentar os seus proxectos publicitarios, ata o 23 de xullo, a este concurso organizado polas comisións de normalización de ADE e de Ciencias da Información. Hai dous premios, de 300 e 200 euros.


Matrícula nos obradoiros para PDI (Programa de Formación e Innovación Docente , xoves, 08 de abril de 2010 ao luns, 07 de xuño de 2010)

O día 8 de abril ábrese o prazo de matrícula nos obradoiros "Elaboración de unidades didácticas" (en Santiago) e "Presentacións dixitais eficientes", no Programa de Formación e Innovación Docente.


Achegándonos ao medio rural (Xornadas , sábado, 10 de abril de 2010 ao domingo, 11 de abril de 2010)

O 10 e o 11 de abril hanse desenvolver na Facultade de Veterinaria as xornadas "Achegándonos ao medio rural", cuxo fin é presentar iniciativas e proxectos innovadores no medio rural dentro dun marco de sustentabilidade ambiental, económica, social e lingüística.


II ETSE Open de SL-Fiadeiro de software libre ((proximamente) , luns, 15 de marzo de 2010 ao martes, 30 de marzo de 2010)

Do 15 ao 30 de marzo será o prazo de matrícula da segunda edición do ETSE Open de SL-Fiadeiro de software libre. Formación e participación na localización para o galego dunha aplicación libre son os eixos desta actividade que organiza a CNL da ETSE. Hase desenvolver os días 15, 22 e 30 de abril na ETSE.

Estase tramitando o seu recoñecemento en créditos tanto para titulacións de grao como para as restantes.


Entrega de Premios en CC. Educación (Fac. CC. da Educación , martes, 09 de marzo de 2010)

Co gallo do padroeiro de Ciencias da Educación, os actos da Facultade inclúen, coma todos os anos, a entrega dos Premios á calidade e á excelencia lingüística do centro correspondentes ao curso 2008-2009.
 


Achegándonos ao medio rural ((proximamente) , luns, 08 de marzo de 2010 ao venres, 26 de marzo de 2010)

Do 8 ao 26 de marzo será o prazo de matrícula das xornadas “Achegándonos ao medio rural”, que organiza a Comisión de Normalización Lingüística da Facultade de Veterinaria o 9 e o 10 de abril. Esta xeira de conferencias e táboas redondas diríxise a alumnos/as de Veterinaria e da Escola Politécnica Superior), e ten como obxectivo o achegamento ao medio rural a través de experiencias profesionais innovadoras e cun alto nivel de compromiso coa sustentabilidade ambiental e lingüística.

Estase tramitando 1 crédito de libre configuración para as titulacións de Veterinaria e da EPS.


Cursos de galego para non galegofalantes (Matrícula , martes, 02 de febreiro de 2010 ao luns, 22 de febreiro de 2010)

Do 2 ao 22 de febreiro é o prazo para matricularse nos Cursos de lingua galega para non galegofalantes (niveis A1 e A2), organizados polo Centro de Linguas Modernas. Son cursos de 40 horas, que serven para preparar os exames do Celga 1. Aos estudantes de fóra de Galicia que o acrediten documentalmente computaranlles 3 créditos de libre configuración


Presentación de "55 mentiras sobre a lingua galega" (Presentación simultánea de "55 mentiras sobre a lingua galega" , venres, 05 de febreiro de 2010)

A plataforma a prol da defensa e promoción da lingua galega ProLingua presentará simultaneamente o próximo venres  5 de febreiro ás 20:30 h en máis de 60 localidades a súa primeira publicación titulada 55 mentiras sobre a lingua galega, coordinada polo profesor da Universidade de Vigo Xosé-Henrique Costas. Trátase dun argumentario sinxelo e clarificador, ao tempo que sólido e rigoroso, que axude a sociedade galega a comprender e superar aquelas valoracións e interpretacións subxectivas, ideoloxizadas desde unha óptica exclusivamente partidista, erróneas ou perversas que perseguen o obxectivo de actuaren de freo ao camiño da necesaria reposición e normalización de usos para a lingua galega no seo da súa sociedade.


Cursos de preparación dos exames dos CELGA (Cursos para os CELGA 2010 , mércores, 10 de febreiro de 2010)

O 10 de febreiro remata o prazo de inscrición na primeira quenda de cursos (entre marzo e xuño) que serven para os exames dos CELGA. Nesta mesma Resolución atópase información sobre os cursos das distintas quendas, e sobre os seus prazos de inscrición.

 


Xornadas de análise sobre a Carta Europea das Linguas Rexionais ou Minoritarias (Xornadas de análise da CELRM , luns, 22 de febreiro de 2010)

Expertos europeos na Carta Europea das Linguas Rexionais e Minorizadas abordarán cuestións de relevo como o réxime de protección do ensino, a intervención lingüística na vida económica e social, os intercambios transfronteirizos ou réximes de protección, obxectivos e principios da CELMR, entre outros nesta xornada de análise que organiza o Consello da Cultura Galega.


Plan de Normalización de Dereito , venres, 18 de decembro de 2009)

Na Xunta de Facultade de Dereito tratarase o Plan de Normalización de Dereito, que se propón como obxectivo xeral para acadar en tres cursos académicos  aumentar o uso do galego ata o 30% na docencia da titulación básica e principal do centro (licenciatura en Dereito / grao en Dereito), de xeito equilibrado. Isto supón multiplicalo por algo máis de 3 a respecto do índice actual.
Para conseguilo proponse un plan de actuacións dirixido a catro ámbitos (institucional, do PDI, do alumnado, da proxección exterior), que contén 42 medidas artelladas arredor de 8 programas.


Simposio Internacional "Ecolingua" (Simposio , xoves, 17 de decembro de 2009 ao sábado, 19 de decembro de 2009)

O Instituto Galego de Estudos Europeos e Autonómicos (IGEA) organiza os vindeiros días 17,18 e 19 de decembro en Vigo o I Simposium Internacional Ecolingua 2009. O encontro internacional desenvolverase no Centro Social de Caixanova en Vigo. A coexistencia de linguas, a realidade plurilingüe de Galiza, o papel de cada idioma nun país e as políticas e fórmulas de convivencia lingüística no Estado ou no ámbito internacional serán algunhas das temáticas que abordará o Ecolingua 2009.
Conta coa colaboración do Concello de Vigo, de Caixanova e da Universidade de Vigo. Os alunos da Universidade de Vigo poderán optar a un crédito de libre elección; o prazo de inscrición remata o 16 de decembro e o importe é de 30 euros, 15 euros no caso de estudantes das tres universidades.


Cursos de redacción de traballos académicos e de investigación (Proximamente en Formación , venres, 23 de outubro de 2009)

 

A matrícula nos cursos de redacción e deseño de traballos académicos e de investigación, dirixidos a todo o alumnado da USC, faise a través de Internet entre o 23 de novembro e o 2 de decembro. Os cursos comezan o 9 de decembro.

 


Educación e linguas en Galicia (Proximamente en Dinamización , venres, 27 de novembro de 2009)

 

O 27 e o 28 de novembro desenvolveranse as Xornadas «Educación e linguas en Galicia», organizadas pola CNL de Ciencias de Educación e o SNL, co obxectivo de analizar e debater sobre o modelo lingüístico máis acaído para o ensino non universitario en Galicia, dende un punto de vista educativo, no marco de discusión actual.

 


VI Xornadas de Lingua e Usos (Xornadas , xoves, 26 de novembro de 2009)

 

Os días 26 e 27 de novembro desenvolveranse no Paraninfo da UdC (A Coruña) as VI Xornadas "Lingua e Usos", organizadas polo SNL da Universidade da Coruña e a Real Academia Galega. Desta volta xirarán sobre a relación entre lingua e xénero. O prazo de inscrición remata o 18 de novembro.