RSS das novas do Cartafol

Axudas a teses e TFM en galego

Wed, 02 May 2012 12:11:44 GMT

Dende 1994 máis de 1000 estudantes e investigadores solicitaron estas axudas na USC, contribuíndo deste xeito a estender o galego na investigación.

Actitudes lingüísticas en Galicia

Wed, 02 May 2012 11:59:19 GMT

Acaba de saír a lume o terceiro volume do Mapa Sociolingüístico de Galicia 2004, que analiza as actitudes lingüísticas en Galicia a partir dun inquérito realizado en 2004 a máis de 9000 persoas de 15 a 54 anos. Os resultados do MSG-04 sinalan que as opinións dos galegos relativas ás linguas faladas en Galicia son moi homoxéneas e favorables ás dúas linguas.

As universidades galegas premian as ideas para fomentar o galego

Tue, 24 Apr 2012 08:36:41 GMT

Idea ou campaña? Tes unha idea para fomentar o galego na Universidade? Es quen de deseñar unha campaña de normalización para propiciar o cambio lingüístico no ensino superior? Cos Premios Luísa Villalta a iniciativas normalizadoras podes gañar ata 2.000 euros!

Todo o apoio para os TFG e TFM en galego

Thu, 19 Apr 2012 12:31:36 GMT

Modelos para apoiar o deseño e a redacción dos traballos, recursos lingüísticos e terminolóxicos, premios á calidade e, agora, un curso de elaboración de traballos de fin de grao e de fin de mestrado. Todo o apoio da Universidade para que fagas os teus TFG ou TFM en galego e coa maior calidade!

Vinte e cinco veráns á galega!

Thu, 19 Apr 2012 12:22:49 GMT

Dende hai 25 anos persoas de todos os países do mundo veñen a Santiago a pasaren case un mes aprendendo galego e coñecendo a súa cultura. Tamén este ano teñen a oportunidade de asistiren ao Curso de verán de lingua e cultura galegas para persoas estranxeiras e contribuír ao coñecemento da nosa lingua e cultura polo mundo adiante.

IV Fiadeiro de localización de software libre na ETSE

Fri, 13 Apr 2012 09:46:47 GMT

Gustaríache participar niso de galeguizar software mais cres que non tes coñecementos técnicos informáticos? Es un toliño/a ou simplemente un afeccionado/a da informática e do que te ves máis coxo/a, porén, é do dominio do galego ou do inglés? Na ETSE teñen a solución: aprender o que che cómpre e traballar en equipo.

Os idiomas das teses de doutoramento

Fri, 02 Mar 2012 11:25:08 GMT

No ano 2011 defendéronse na USC un total de 237 teses de doutoramento e para redactar o seu conxunto utilizáronse cinco idiomas. Adiviña cales.

Os idiomas nos TFG e nos TFM

Fri, 02 Mar 2012 10:48:16 GMT

A adaptación das titulacións da USC ás directrices de Boloña provocou a aparición de dous novos tipos de traballos, obrigatorios en moitos casos para acadar os títulos de graduado e máster. Que idiomas utilizan os nosos estudantes para redactaren os traballos de fin de grao e os traballos de fin de mestrado?

Un estímulo para elaborar en galego TFM e teses de doutoramento

Fri, 02 Mar 2012 10:20:05 GMT

Dende 1994 a USC leva estimulando o uso do galego nas teses e noutros traballos de investigación, e dende o pasado ano, nos traballos de fin de máster.

Premios para TFG, proxectos de fin de carreria e traballos académicos en galego

Fri, 02 Mar 2012 10:13:32 GMT

Redactaches ou vas redactar neste curso un traballo de fin de grao ou un traballo académico de curso? Pasóuseche pola cabeza a posibilidade de facérelo en galego? Pois considérao, porque podes gañar ata 600 euros de premio... se é o mellor de toda a Universidade.

Galego, 27; castelán, 69

Mon, 06 Feb 2012 12:30:03 GMT

Tal sería o titular redondo para ilustrar como se reparte o uso dos idiomas oficiais na docencia da USC. Por suposto, aínda cómpre engadir os datos referidos a outros idiomas e, en xeral, debullar os datos por tipoloxías de titulacións.

Linguas, departamentos e categorías de PDI

Mon, 06 Feb 2012 12:20:15 GMT

O uso das linguas na docencia depende da decisión e da vontade dos profesores/as e tamén da súa predisposición ao cambio. Dous factores se relacionan directamente con este feito: as redes que ás veces se establecen nos departamentos, e a idade, que á súa vez ten moito que ver coas categorías.

Volvemos ao rego?

Mon, 06 Feb 2012 12:17:34 GMT

A positiva evolución do uso do galego na docencia da USC, logo do importante salto do curso pasado, semella estabilizarse ao tempo que se vai transformando a totalidade dos títulos para adaptarse ao EEES.

Obradoiro de linguaxe e redacción xurídica en galego

Mon, 06 Feb 2012 12:13:15 GMT

O alumnado de Dereito que desexe coñecer tamén como é a linguaxe xurídica galega, os modelos e as ferramentas existentes, conta cun obradoiro gratuíto que lles fornecerá un crédito de libre configuración. A matrícula está aberta!

Galego para quen non é galega (ou galego)

Mon, 06 Feb 2012 12:09:19 GMT

Que chegas neste segundo cuadrimestre a Galicia e queres aprender un chisco de galego? Que levas aquí xa todo o curso (ou máis...)? Aproveita! A USC ofréceche os cursos de lingua galega para non galegofalantes.

«O alumnado valora moitísimo o esforzo para proporcionarlles material docente de calidade e acceder a el de maneira sinxela»

Mon, 05 Dec 2011 12:28:22 GMT

Alberto Castro Ponte é un profesor novo, que imparte docencia na Escola Politécnica Superior, no grao de Enxeñaría Civil. Fai un ano apuntouse ao Obradoiro de elaboración de unidades didácticas para o PDI. A súa foi unha das 24 unidades didácticas presentadas o pasado 25 de novembro, a terceira que leva publicado neste ano.

Explícoche Matemáticas 2.0

Thu, 01 Dec 2011 13:57:56 GMT

As matemáticas teñen fama de difíciles. E se estudantes da titulación nos explican nun vídeo un concepto matemático, na nosa lingua, en só dous minutos?

Doce propostas presentadas a «Somos a curta!»

Thu, 01 Dec 2011 13:52:21 GMT

Facer unha curta de non máis de dez minutos cunha comedia en galego. Ese era o reto que propoñía o certame «Somos a curta!», da Facultade de Ciencias da Comunicación para promover o uso do galego entre os que van ser os novos valores do audiovisual.

Como se redacta un traballo académico (ou de investigación)?

Thu, 01 Dec 2011 13:49:21 GMT

As citas, van en cursiva ou entre comiñas? Como se fai un índice automático? É eficaz un corrector ortográfico? Debo facer notas a rodapé? Ven aos «Cursos de redacción e deseño de traballos académicos e de investigación», resolve as túas dúbidas e mellora os teus traballos.

Quen gañou o «Luísa Villalta»?

Thu, 01 Dec 2011 13:45:38 GMT

Dous membros da Universidade da Coruña e un equipo formado polas comisións de normalización lingüística dos centros do Campus de Lugo levaron os premios «Luísa Villalta» na súa oitava convocatoria.

O imaxinario social sobre galego (ou a pervivencia de prexuízos lingüísticos)

Thu, 01 Dec 2011 13:43:05 GMT

Os estudos (e a experiencia, e as novas...) alertan de que a sociedade galega segue a padecer o estigma dos prexuízos sobre a nosa lingua e os seus falantes. Os profesionais do ensino deben estar preparados para afrontalos, pero... e se tamén os sofren?

A pregunta segue no aire: Os medios en galego, importan?

Thu, 01 Dec 2011 13:40:21 GMT

Velaquí o discurso de clausura das xornadas «Os medios en galego, importan?», que se desenvolveron na Facultade de Ciencias da Comunicación os días 8, 9 e 10 de novembro.

Termos esenciais de dereito penal

Fri, 04 Nov 2011 12:29:29 GMT

O pasado 25 de outubro presentouse na Facultade de Dereito da USC Termos esenciais de dereito penal, unha nova ferramenta terminolóxica para apoiar o plan de normalización lingüística do centro, tamén coñecido por Témoslle lei.

Os medios en galego, importan?

Wed, 02 Nov 2011 13:53:11 GMT

A xulgar polo grande interese que espertaron as xornadas organizadas con este título na Facultade de Ciencias da Comunicación, si, importan.

VIII Premio «Luísa Villalta»

Mon, 04 Jul 2011 09:45:52 GMT

Se se che acorda como mellorar os resultados para a lingua galega na Universidade, participa nos «Luísa Villalta»!

«O coñecemento que temos agora do galego e da súa historia era inimaxinable hai corenta anos»

Wed, 01 Jun 2011 09:32:18 GMT

Rosario Álvarez é a directora do Instituto da Lingua Galega (ILG), que neste 2011 celebra o corenta aniversario da súa creación. Case medio século de traballo e investigación pola lingua galega imprescindibles para coñecermos mellor o elemento máis sensible da nosa identidade: o galego. Neste entrevista a actual directora do ILG falaranos do traballo desenvolvido nestes 40 anos e dos retos presentes e futuros deste instituto de investigación.

Curso de verán «Témoslle lei: O galego no Dereito»

Wed, 01 Jun 2011 09:05:25 GMT

Persoeiros do mundo xurídico como o ministro Francisco Caamaño ou o maxistrado do Tribunal Supremo Luciano Varela, entre outros, analizarán e debullarán a lexislación e os dereitos en materia lingüística en Galicia no decorrer do curso de verán «Témoslle lei: O galego no Dereito», que se desenvolverá no mes de setembro na Facultade de Dereito da USC.

Obradoiros PDI: Unidades didácticas e linguaxe xurídica

Wed, 01 Jun 2011 08:56:42 GMT

Últimos días para inscribirse no obradoiro de Lugo e aprender a realizar unidades didácticas segundo o modelo da USC, co ramo dunha publicación, ou no obradoiro de Santiago, dirixido a mellorar o coñecemento do tecnolecto xurídico galego. Ambos hanse desenvolver no mes de xuño.

As tecnoloxías na nosa lingua

Wed, 01 Jun 2011 08:43:29 GMT

A xornada «Letras galegas e Internet» amosou a presenza do galego en ámbitos como o software libre e privativo, a telefonía móbil ou a emerxente industria dos libros electrónicos.

Novo servizo de asesoramento de presentacións dixitais

Mon, 02 May 2011 12:43:53 GMT

Tes que presentar os resultados da investigación en que investiches varios anos da túa vida nunha conferencia de só unha hora e queres apoiarte nunhas diapositivas. O Servizo de Normalización Lingüística ofrécese para asesorarte nas túas presentacións dixitais e que constitúan un verdadeiro apoio comunicativo.

GalegoLab, colaboración na Rede por un país en galego

Fri, 29 Apr 2011 09:26:33 GMT

«Xerando accións a prol da lingua galega. O que hai que facer é facer.» Con este lema preséntasenos GalegoLab aos internautas galegos que seguen o seu perfil en Twitter. E o que é facer, está facendo, e bastante, polo noso idioma.

Os idiomas nas teses e outros traballos de investigación en 2010

Fri, 01 Apr 2011 08:02:12 GMT

Para aquelas persoas que aínda albergan dúbidas sobre as posibilidades do galego en certas materias e na investigación, velaí vai o título dunha das teses presentadas en 2010: «Proliferación de linfocitos T humanos en relación coa expresión e localización de CD45RO*» é o título dunha das teses de doutoramento presentadas.

Axudas a teses, traballos de fin de mestrado, TIT e memorias de licenciatura en galego

Fri, 01 Apr 2011 07:48:07 GMT

A USC acaba de renovar a convocatoria para este ano 2011 das axudas á realización na nosa lingua destes traballos da etapa de posgrao. Ata 400 euros de subvención e axuda lingüística e terminolóxica!

«Dicir que o galego non vale para o mundo da ciencia é unha parvada»

Thu, 31 Mar 2011 12:27:58 GMT

Jaime Gómez Márquez é catedrático en Bioquímica e Bioloxía Molecular na Facultade de Bioloxía da USC. Acaba de publicarse o Dicionario de Bioloxía: galego-castelán-inglés, do que foi coordinador e un dos principais impulsores. Nesta entrevista fálanos da publicación e sobre a situación do galego no mundo das ciencias e da investigación.

Presentación de «Termos esencias de dereito constitucional» e once unidades didácticas de dereito

Thu, 31 Mar 2011 10:48:03 GMT

Na Facultade de Dereito están a elaborar materiais e recursos para apoiar o aumento da docencia en galego, como vocabularios e unidades didácticas para o ensino das materias.

Obradoiro de linguaxe e redacción xurídica I

Thu, 31 Mar 2011 10:21:40 GMT

Os estudantes de Dereito poden inscribirse dende o 1 de abril no «Obradoiro de linguaxe e redacción xurídica I» para coñecer a linguaxe da súa especialidade tamén na nosa lingua e poderen respectar mellor os dereitos lingüísticos da cidadanía no seu futuro profesional.

Videomatón na Universidade

Thu, 31 Mar 2011 10:18:21 GMT

Durante o mes de abril un equipo de Ciencias da Comunicación recollerá coas súas cámaras o que che apeteza dicir sobre a nosa lingua en tres sesións de videomatón nos campus compostelán e lugués. Preparado/a para falares?

Navegarmos en galego tamén co Firefox 4

Thu, 31 Mar 2011 10:15:23 GMT

Uses Explorer, Chrome ou Firefox, navega por Internet no noso idioma! O galego é un dos 80 idiomas en que se lanzou oficialmente a última versión de Firefox.

Un verán en Galicia

Thu, 31 Mar 2011 10:10:24 GMT

O Instituto da Lingua Galega, a Real Academia Galega e a Secretaría Xeral de Política Lingüística convocan a 24º edición dos Cursos de verán de lingua e cultura galegas para persoas estranxeiras, que terán lugar en Santiago de Compostela do 4 ao 29 de xullo de 2011. O prazo de inscrición remata o 1 de maio.

«Se os galegos lle queren ao galego, pode superar todas as barreiras que se lle poñan.»

Tue, 01 Mar 2011 11:59:24 GMT

Anik Nandi chegou a Galicia hai dous anos procedente da India e fálanos nesta entrevista da realidade lingüística da India, das súas semellanzas co estado español e das súas impresións sobre Galicia e o galego.

Premios á calidade e á excelencia lingüística 2010-2011

Tue, 01 Mar 2011 11:50:17 GMT

Se es estudante dun dos 15 centros en que se organizan os Premios á calidade e á excelencia lingüística... non sabemos que estás esperando para presentar algún dos teus traballos académicos de curso, TFG ou proxecto de fin de carreira (se o fixeches en galego). Podes gañar ata 600 euros!

Un galego perfecto

Tue, 01 Mar 2011 11:39:09 GMT

Os estudantes de Dereito poden puír e perfeccionar o seu galego oral e escrito en só 30 horas, grazas a este obradoiro programado dentro de «Témoslle lei»; de balde e con crédito de libre configuración.

III ETSE Open de SL / III Fiadeiro de localización de software libre

Tue, 01 Mar 2011 11:33:46 GMT

Se es membro da comunidade universitaria da USC podes aprender a localizar e traduce aplicacións de software libre neste III Fiadeiro: de xeito participativo, con diploma de asistencia e de experiencia, con premio...

Achegándonos ao medio rural II: Lingua, muller e dinámica social

Tue, 01 Mar 2011 11:20:43 GMT

O medio rural volve ser protagonista destas xornadas que organizan as comisións de normalización lingüística de catro centros de Lugo. Desta volta axuntan tres conceptos que aínda na actualidade padecen prexuízos e desigualdades: o rural, a muller e a lingua galega.

Vive en galego: Windows 7 e Office 2010 na nosa lingua

Tue, 01 Mar 2011 11:16:34 GMT

No marco da campaña «Vive en galego», unha iniciativa coa que a Xunta de Galicia busca difundir entre a cidadanía os recursos tecnolóxicos dispoñibles en lingua galega, presentouse as interfaces en galego de Windows 7 e Office 2010.

Galego, 30; castelán, 66

Mon, 31 Jan 2011 13:08:50 GMT

Tal sería o titular redondo para ilustrar como se reparte o uso dos idiomas na docencia da USC, aínda que cómpre engadir os datos referidos a outros idiomas. Curiosamente, o galego utilízase por orde crecente nas titulacións de 1º e 2º ciclo, nos graos e nos mestrados. Séntalle ben o EEES ao noso idioma?

Entramos nunha fase de estabilización

Mon, 31 Jan 2011 12:41:45 GMT

Linguas, departamentos e categorías do profesorado

Mon, 31 Jan 2011 12:35:15 GMT

O uso das linguas na docencia depende da decisión e da vontade dos profesores/as. Dous factores se relacionan directamente con este feito: o mundo de relacións que ás veces se establecen nos departamentos e a idade, que á súa vez ten moito que ver coas categorías.

«Os estudantes usarán máis ou menos galego dependendo da medida en que os profesores o utilicen»

Mon, 31 Jan 2011 12:06:13 GMT

Alba Nogueira fálanos da evolución das leis lingüísticas en Galicia o ano pasado, da situación do galego no mundo xurídico en xeral e, máis concretamente, no que é o seu lugar de traballo diario, a Facultade de Dereito.

Parellaes

Mon, 31 Jan 2011 11:52:35 GMT

Gustaríache practicar catalán? Queres aprenderlle galego a outras persoas? Co programa «Parellaes« poderás facelo de xeito lúdico, coñecendo outras persoas e nun ambiente distendido. E con crédito!

O software libre segue a darlle alegrías ao galego

Mon, 31 Jan 2011 11:49:47 GMT

O software libre, polas súas posibilidades de adaptación ao ser de código aberto, permite a súa localización a diferentes idiomas. O galego campa en postos moi salientables no terreo da localización do SL e non para de darnos alegrías.

Facer ver o galego, nos premios «Luísa Villalta»

Thu, 02 Dec 2010 10:10:52 GMT

Os dous traballos gañadores do VII Premio «Luísa Villalta» teñen algo en común: o seu obxectivo de facer ver o galego. Desta volta foron un estudante e un PAS da Universidade da Coruña os gañadores nas dúas modalidades.

«Unha maior presenza do galego na docencia de Dereito favorecerá unha mellor formación como profesionais»

Wed, 01 Dec 2010 13:20:02 GMT

Nisto coincidiron os tres alumnos de Dereito que entrevistamos desta volta no Cartafol, os tres membros de asociacións estudantís da Facultade que protagonizaron a campaña «Témoslle Lei»; expóñennos os seus puntos de vista sobre esta actuación e sobre a situación do galego no seu centro.

As leis, en galego

Wed, 01 Dec 2010 11:49:50 GMT

No marco da campaña «Témoslle lei» repartiuse entre o estudantado de Dereito un CD coa lexislación básica que deben estudar na titulación en galego, para favorecer a utilización do noso idioma xa na etapa de formación como xuristas.

Os estudantes, protagonistas de «Témoslle lei»

Wed, 01 Dec 2010 11:18:08 GMT

Do 22 ao 23 de novembro os estudantes de Dereito asumiron o protagonismo: recibiron o material da campaña «Témoslle lei» da man dos seus compañeiros e coas súas ocorrencias, expostas no panel do centro, reivindicaron un meirande uso do galego na docencia desta titulación.

«Educación e linguas en Galicia»: O primeiro e-book nativo da USC

Wed, 01 Dec 2010 10:50:44 GMT

«Educación e linguas en Galicia» é o primeiro libro editado só en formato electrónico no repositorio dixital da USC. Tamén é o resultado de publicar as achegas das Xornadas con ese mesmo título que se celebraron en Ciencias da Educación o pasado 2009, organizadas pola súa Comisión de Normalización Lingüística.

Do CERN a Compostela coa Física de Partículas (en galego!)

Wed, 01 Dec 2010 09:53:02 GMT

Máis de 12.000 alumnos de máis de 100 centros educativos participaron en actividades do «Día da ciencia en galego». O Departamento de Física de Partículas propiciou unha videoconferencia vía web entre institutos de todo o país e científicos e científicas galegas do CERN.

«Contar con materiais didácticos en galego favorece o uso polo alumnado»

Fri, 29 Oct 2010 09:16:37 GMT

Belén Trigo é profesora do Departamento de Dereito Común na USC, na Área de Dereito Civil. Hai catro anos comezou a impartir parte das súas aulas en galego e a crear novos materiais para apoiar a súa docencia na materia de Dereito Civil de Galicia.

Como se redacta un traballo académico (ou de investigación)?

Fri, 29 Oct 2010 07:25:49 GMT

As referencias bibliográficas, van en cursiva ou entre comiñas? Debo facer un índice? É eficaz un corrector automático? Cantos tipos de letra podo utilizar nun traballo? Ven aos «Cursos de redacción e deseño de traballos académicos e de investigación», resolve as túas dúbidas e mellora os teus traballos.

II Xornadas «Educación e linguas en Galicia»

Fri, 29 Oct 2010 07:20:16 GMT

Logo do éxito das primeiras Xornadas «Educación e linguas en Galicia», a Facultade de Ciencias da Educación organiza a súa segunda edición, dedicadas á planificación para a normalización lingüística nos centros de ensino non universitarios, os días 26 e 27 de novembro. O prazo de matrícula abrirá o vindeiro 3 de novembro.

VII Premio «Luísa Villalta»

Fri, 29 Oct 2010 07:15:39 GMT

Se se che acorda como mellorar os resultados para a lingua galega na Universidade, participa nos «Luísa Villalta»!

Pola galeguización da plataforma virtual da USC

Thu, 28 Oct 2010 12:53:59 GMT

As comisións de normalización lingüística de Psicoloxía e de Ciencias da Educación consideran que a plataforma Blackboard debe contar o máis axiña posible cunha versión en galego para a USC.

VI Premios á calidade lingüística

Thu, 28 Oct 2010 12:45:23 GMT

Corenta e nove traballos optan aos «VI Premios á calidade lingüística» que convocaron o pasado curso as comisións de normalización lingüística de trece centros.

“Non faltou vontade política para desenvolver o Plan de Normalización da USC, pero si recursos e capacidade”

Mon, 31 May 2010 11:06:50 GMT

A piques de rematar o seu segundo mandato como reitor, Senén Barro Ameneiro reflexiona para O Cartafol sobre os avances en normalización lingüística na USC nestes oito anos.

En galego tamén se fai ciencia

Mon, 31 May 2010 10:47:41 GMT

Oito docentes e investigadores/as testemuñan que impartir docencia, investigar e divulgar son actividades que se pode facer en galego. Son a cerna da campaña “En galego tamén se fai ciencia” que promoven as tres universidades galegas e que se presenta o 31 de maio na Coruña.

Modelos para os traballos de fin de grao

Mon, 31 May 2010 10:44:32 GMT

Portada, estilos, deseño de páxina, numeración das páxinas... Cando redactes o teu traballo de fin de grao has poder esquecerte de todas esas cuestións puramente formais e centrarte no que de verdade importa, os contidos.

Oito pequenas aplicacións informáticas en galego grazas ao Fiadeiro de SL

Mon, 31 May 2010 10:39:04 GMT

Para que serviu o II Open ETSE de SL, tamén coñecido como Fiadeiro de localización de software libre? Pois... para termos oito pequenas aplicacións en galego; para premiar un participante polo seu esforzo e moito máis...

396.536 nomes de lugares... e só vai un terzo!

Mon, 31 May 2010 10:12:25 GMT

Vives ao pé da Cortiña; mais... de cal das 1165 Cortiñas que se rexistran en Galicia? Co web do Proxecto Toponimia de Galicia poderás coñecer todas as ocorrencias deste topónimo, visualizalas en fotografías aéreas e mapas, e saber se é hidrónimo, odónimo, entidade de poboación, terra ou vía.

“Non dar ciencias en galego por falta de léxico é unha falacia”

Mon, 03 May 2010 11:07:59 GMT

Manuel Bermejo é catedrático de Química Inorgánica e nesta entrevista debulla os seus case 40 anos de defensa do galego na Universidade.

Doce novas unidades didácticas

Thu, 29 Apr 2010 12:12:31 GMT

O Obradoiro de elaboración de unidades didácticas para PDI ve coroado o seu éxito coa publicación de doce novos títulos.

“Creo que as empresas deberían apostar polo galego”

Tue, 23 Mar 2010 11:52:07 GMT

Alejandra Mosquera ten 21 anos, estuda Enxeñaría técnica en informática de sistemas e xa leva tres galardóns en actividades organizadas pola Comisión de Normalización Lingüística da ETSE.

Premios "Comunicándomos" de publicidade en galego para o alumnado

Tue, 23 Mar 2010 10:43:26 GMT

Quen non tivo algunha vez unha idea xenial para vender un produto ou para espallar unha iniciativa? Desa premisa abrolla o concurso «Comunicándomos”, de publicidade en galego, dirixido a todos os estudantes da USC.

26945

Wed, 28 Apr 2010 12:44:51 GMT

Cada vez que sae ao prelo unha nova publicación sobre o uso do galego, as persoas preocupadas polo noso idioma botámonos a tremer. A última enquisa do IGE non nos tranquiliza, precisamente.

II ETSE Open de SL / II Fiadeiro de localización de software libre

Wed, 17 Mar 2010 10:13:41 GMT

A ETSE proponlle a toda a comunidade universitaria unha actividade para aprender a localizar e localizar software libre, o Fiadeiro, de xeito participativo, con recoñecemento e con premio...

Achegándonos ao medio rural

Wed, 17 Mar 2010 09:55:35 GMT

Se che interesa coñecer experiencias que apliquen criterios de sustentabilidade ás diversas facetas das actividades que se desenvolven no medio rural, velaquí tes unhas xornadas, recoñecidas cun crédito de libre configuración para boa parte das titulacions de Lugo, que organiza a Comisión de Normalización Lingüística de Veterinaria.

Cursos para o PDI

Mon, 15 Mar 2010 13:58:41 GMT

O Programa de Formación e Innovación Docente acubilla a convocatoria de dous cursos para PDI: o «Obradoiro de elaboración de unidades didácticas» e mais o «Obradoiro de presentacións dixitais eficientes: como utilizarmos as presentacións para comunciarmos mellor».

Por un desenvolvemento consensuado do PXNL

Mon, 15 Mar 2010 13:53:25 GMT

A USC adheriuse á proposta que o Consello da Cultura Galega lle remitiu ao Parlamento galego, propoñendo a constitución dunha comisión parlamentaria que elabore unha proposta de desenvolvemento consensuado do Plan Xeral de Normalización Lingüística.

Os idiomas nas teses de 2009

Fri, 26 Feb 2010 10:58:40 GMT

Para aquelas persoas que aínda albergan dúbidas sobre as posibilidades do galego en certas materias e na investigación, velaí vai o título dunha das teses presentadas en 2009: “Equilibrios tauroméricos e procesos de transferencia protónica fotoinducida no 2-(6'hidroxi-2'-piridil) bencimidazol”

Axudas á investigación en galego: algunhas mudanzas

Wed, 24 Feb 2010 13:18:47 GMT

Os cambios que se están a producir nas titulacións da USC por mor da adaptación ao EEES, reflíctense tamén a partir deste curso nos diversos incentivos ao uso do galego nos estudos universitarios. Os proxectos de fin de carreira mudan de modalidade e aparecen outros novos traballos nas convocatorias.

Mudanzas na acreditación do coñecemento do galego para o PAS

Wed, 24 Feb 2010 12:23:40 GMT

Un acordo acadado no pasado mes de outubro entre os representantes do PAS e mais a Xerencia da USC posibilita unhas ansiadas mudanzas no procedemento de acreditación do coñecemento da lingua galega para as persoas que aspiren a postos de traballo non docente na USC.

Termos esencias de matemáticas para economistas. Súmaste?

Wed, 24 Feb 2010 12:04:47 GMT

Din as lendas urbanas que alguén chegou elevar potencias ao caldeiro... Non o acreditamos, mais por se hai dúbidas, nada mellor que coñecer ben a terminoloxía matemática na nosa lingua.

Edelmiro López Iglesias: “Publicar as teses en galego e inglés pode ser moi positivo para a nosa lingua”

Mon, 22 Feb 2010 13:23:26 GMT

Entrevistamos desta volta ao profesor de Economía Aplicada Edelmiro López Iglesias, un dos primeiros solicitantes das axudas da USC para a realización das teses de doutoramento na nosa lingua, alá por 1994.

Parellas, parelles... Parellaes

Mon, 22 Feb 2010 12:55:33 GMT

Queres aprender catalán? Queres ensinar galego? Esta é a túa oportunidade: Podes facer ambas as dúas cousas grazas ao programa de parellas lingüísticas que botou a andar a Área de Filoloxía Catalá do Departamento de Filoloxía Galega.

Por que "gallego" é insultante en castelán?

Mon, 15 Mar 2010 13:49:14 GMT

E por que resulta aconsellable falar de xeito politicamente correcto, cando menos en determinadas situacións. Un artigo do profesor Henrique Monteagudo, extractado de “Falares que carga o demo”.

Dereito ten un plan

Fri, 29 Jan 2010 13:35:31 GMT

O pasado 18 de decembro a Xunta de Facultade de Dereito aprobou por asentimento o “Plan para aumentar e mellorar o uso da lingua galega”.

Eufalo.tv: a lingua faise en colaboración e na Rede

Fri, 29 Jan 2010 13:07:32 GMT

Un novo proxecto colectivo nacido en Internet no que se conta a historia da nosa lingua desde a perspectiva de quen a fai día a día: os falantes.

Hai queixas polas linguas na USC?

Fri, 29 Jan 2010 12:59:33 GMT

Novo informe do valedor da comunidade universitaria. Nel aparecen todas as queixas presentadas por PAS, PDI e estudantado da USC, incluídas as relacionadas coa lingua.

O galego, subindo na USC

Fri, 29 Jan 2010 12:56:47 GMT

Neste curso académico que andamos, a USC imparte en galego o 27,50% das horas da docencia dos graos e das titulacións de 1º e 2º ciclo, segundo o Plan de Ordenación Docente 2009-2010, sete puntos máis ca no curso anterior.

Nos mestrados oficiais, estreamos datos sobre os idiomas

Fri, 29 Jan 2010 12:50:41 GMT

Por vez primeira contamos con datos verbo do uso das linguas na docencia dos mestrados oficiais. Segundo o POD, o 25,25% das horas docentes destas titulacións impártese en lingua galega, nunha porcentaxe moi próxima á dos graos, licenciaturas e diplomaturas.

Linguas, departamentos e categorías de PDI

Fri, 29 Jan 2010 12:44:59 GMT

Ao debullarmos os datos de uso das linguas na docencia por departamentos convén ter en conta que se refiren tanto á docencia de graos, licenciaturas e diplomaturas, como á dos mestrados. Tamén é interesante poñer en relación as diversas categorías de PDI co uso das linguas.

Evolución no uso das linguas na docencia

Fri, 29 Jan 2010 12:33:50 GMT

Contamos con datos sobre o uso dos idiomas na docencia da USC dende o curso 2003-2004. Xa que logo, podemos facer algunhas observacións sobre a evolución dos datos nestes sete cursos académicos.

Decreto vai, decreto vén

Fri, 29 Jan 2010 12:28:57 GMT

A xénese e desenvolvemento do novo decreto do plurilingüismo no ensino trouxo un feixe de reaccións, respostas, manifestos, posicionamentos, críticas e mesmo algunhas -máis ben poucas- louvanzas. Nesta reportaxe non tocamos todo o que se dixo, pero si que intentamos dar unha visión completa.

"Hai que introducir o galego no ensino con medidas atractivas"

Thu, 17 Dec 2009 13:52:05 GMT

A edición deste ano do premio "Luísa Villalta" a iniciativas normalizadoras ten unha nova gañadora na modalidade de idea para a promoción do galego. Chámase Pilar Brocos e é profesora da USC. Nesta entrevista explícanos a súa proposta: introducir as series da TVG como recurso docente para as distintas disciplinas.

Máis calidade que nunca!

Thu, 17 Dec 2009 10:18:14 GMT

Máis calidade que nunca, porque este curso súmanse un novo centro á sexta edición dos Premios á calidade e á excelencia lingüística dos traballos académicos en lingua galega, e porque o abano de traballos que se poden presentar se amplía a dúas modalidades.

Ubuntu-USC: O sistema operativo libre, en galego e para a USC

Thu, 17 Dec 2009 10:10:29 GMT

A Oficina de Software Libre da USC ofrécenos un sistema operativo localizado para a USC e que responde ás necesidades específicas da institución: identidade corporativa, linguas e requisitos de contorna. É Ubuntu-USC.

Neste nadal, agasallos en galego!

Thu, 17 Dec 2009 10:05:01 GMT

Chega o Nadal outro ano máis e con el as rúas iluminadas, a familia, as uvas e tamén... os agasallos. E se os teus galanos regalan galego?

A la Universitat en catalá!

Thu, 17 Dec 2009 09:54:39 GMT

Tal é o título da campaña impulsada pola Plataforma per la Llengua e por diversas organizacións estudantís catalás, co obxecto de demandar un maior pulo das universidades de Cataluña ao seu idioma propio.

Lingua e educación en Galicia, a debate

Thu, 17 Dec 2009 09:48:49 GMT

Cal é papel que deben xogar o galego e as outras linguas no sistema educativo galego? Reflexionar sobre tan importante cuestión foi a cerna das xornadas sobre Educación e linguas en Galicia.

Como se redacta un traballo académico (ou de investigación)?

Wed, 25 Nov 2009 11:03:14 GMT

Nas referencias bibliográficas, poño o título entre comiñas? Hai unha maneira rápida e segura de facer un índice? É eficaz un corrector automático? Cantos tipos de letra podo utilizar nun traballo? Para solucionar as túas dúbidas, temos os Cursos de redacción e deseño de traballos.

Como se redacta un traballo académico (ou de investigación)?

Wed, 25 Nov 2009 10:50:40 GMT

Para as referencias bibliográficas, uso a cursiva ou poño o título entre comiñas? Hai unha maneira rápida e segura de facer un índice? É realmente eficaz un corrector automático? Cantos tipos de letra podo utilizar nun traballo? Para solucionar as túas dúbidas, temos os Cursos de redacción e deseño de traballos.

Un traballo excelente!

Wed, 25 Nov 2009 10:46:28 GMT

O gañador do premio á excelencia lingüística do pasado curso, o galardón dos galardóns á calidade lingüistica, xa ten nome (ou mellor dito, nomes). E son da Escola Técnica Superior de Enxeñaría.

Xosé Pereira: "Queremos que o estudantado de Ciencias da Comunicación se converta nunha peza clave para o avance do noso idioma"

Wed, 25 Nov 2009 10:51:29 GMT

Ano tras ano, as porcentaxes de utilización da nosa lingua por parte na docencia sitúan a Facultade de Ciencias da Comunicación nos postos máis altos da clasificación (ao redor dun 80%). Nesta entrevista, o novo decano, Xosé Pereira, fálanos das claves desta situación tan favorable para o noso idioma.

Na Universidade, à l'Université, in the University...

Tue, 10 Nov 2009 12:57:27 GMT

Os estudantes que chegan á USC dende fóra de Galicia contan con recursos para aprender, mellorar e practicar os coñecementos sobre galego e castelán, os dous idiomas que lles van aparecer en moitas situacións comunicativas: facer amizades, comprar, realizar xestións, recibir clases... É conveniente afacerse ao galego, comprendelo e mesmo falalo un pouco.

Xornadas "Educación e linguas en Galicia"

Tue, 10 Nov 2009 12:43:11 GMT

A Facultade de Ciencias da Educación e a EU de Formación do Profesorado queren contribuír á reflexión sobre o modelo lingüístico no ensino non universitario coas xornadas “Educación e linguas en Galicia”, ao que convidan a alumnado e profesorado.

O manual para obter o Celga 3, “Aula de Galego”, xa está na rúa

Tue, 10 Nov 2009 12:07:13 GMT

Todas aquelas persoas que desexen obter o Celga 3 poderán empregar a partir de agora un novo manual para preparar o exame. Chámase "Aula de Galego" e é un proxecto financiado pola Secretaría Xeral de Política Lingüística, que xa tiña dispoñibles os libros correspondentes aos niveis un, dous e catro.

Carlos Pajares: «O galego formou parte da modernización da universidade»

Fri, 30 Oct 2009 10:39:41 GMT

Neste 2009 cúmprese o 25 aniversario da introdución do galego na vida oficial da USC e da creación do Servizo de Tradución, antecedente do actual Servizo de Normalización Lingüística e un dos legados en materia idiomática do reitor Pajares. Nesta entrevista lembra para nós aqueles primeiros anos de defensa institucional do galego.

Novos textos legais na nosa lingua

Fri, 30 Oct 2009 10:34:09 GMT

O BOE está a publicar as versións en galego das principais normas do Estado en formato libro. Deste xeito, o profesorado e o alumnado do Dereito contan cun importante recurso para impulsar a actividade docente na nosa lingua.

V Premios á calidade lingüística en traballos académicos

Fri, 30 Oct 2009 09:55:16 GMT

Vinte traballos optaron aos V Premios á calidade lingüística que convocaron o pasado curso as comisións de normalización lingüística de once centros, os cales foron xa adxudicados. O Premio á Excelencia, no mes de novembro.

Dereitos lingüísticos e galeguización de software libre, nos cursos de verán da USC

Fri, 01 Jul 2011 09:51:45 GMT

Un ano máis o galego volve ocupar un espazo nos cursos de verán organizados pola USC para os meses de agosto e setembro. Desta volta a nosa lingua sae á palestra da man de dous cursos ben diferentes. «O galego no Dereito», enmarcado na campaña «Témoslle lei» e «Como aprender a localizar aplicativos ao galego».

Toda a axuda do mundo para os traballos de fin de grao ou fin de mestrado

Thu, 30 Jun 2011 12:39:45 GMT

Estás afrontando a redacción do traballo de fin de grao ou mestrado? Sabes que contas con ferramentas que che facilitan a elaboración e conseguen que teña a meirande calidade formal e lingüística? Sabes que podes optar a premios e subvencións por facérelo en galego?

Quince anos de Declaración Universal dos Dereitos Lingüísticos

Thu, 30 Jun 2011 12:32:39 GMT

Hai quince anos os parlamentos español e galego asumiron a «Declaración Universal de Dereitos Lingüísticos», que recoñece unha serie de dereitos universais polos que calquera cidadán debe poder desenvolver calquera actividade na súa propia lingua.

Novos clásicos do pensamento universal na nosa lingua

Thu, 30 Jun 2011 12:23:12 GMT

Maquiavelo, Aristóteles, Darwin, Erasmo de Rotterdam, McLuhan, Sapir, Claude Bernard... É posible ler as magnas obras destes clásicos do pensamento universal na nosa lingua grazas á colección da USC «Clásicos do pensamento Universal».

VI Premios «Luísa Villalta»

Thu, 12 Feb 2009 10:10:50 GMT

Dise que todos/as levamos dentro un adestrador ou adestradora de fútbol, que cremos saber como levantar un partido, como neutralizar un xogador/a... Se se che acorda como mellorar o resultado para a lingua galega na Universidade, participa nos «Luísa Villalta»!

Alguén se acorda da gripe aviaria?

Tue, 12 Jan 2010 12:10:11 GMT

Nós, si. E por iso participamos na elaboración dun vocabulario multilingüe centrado nesta doenza, que se editou hai unhas poucas semanas, e que aquí che presentamos.

4 de novembro, Día da ciencia en galego

Fri, 04 Nov 2011 13:06:50 GMT

Oito centros da USC súmanse con vinte e dúas actividades abertas ao público en xeral á celebración do Día da ciencia en galego, en datas que xiran arredor do 4 de novembro. Non as vaias perder!

Abrindo as cancelas do falar: Criterios de linguaxe non sexista

Fri, 04 Nov 2011 12:57:18 GMT

As palabras non as leva o vento, as palabras amarrámolas entre todas… e todos. Tod@s? TodXs? Todas as persoas? Como podemos plasmar as nosas ansias igualitarias na lingua que falamos e escribimos?

Bule, para chegares ao «Luísa Villalta»

Fri, 04 Nov 2011 12:36:30 GMT

O vindeiro 10 de novembro remata o prazo para presentares as túas propostas de dinamización do galego na universidade ao premio «Luísa Villalta», que concede substanciosos galardóns...

III Xornadas «Educación e linguas en Galicia»

Fri, 04 Nov 2011 10:38:54 GMT

A Facultade de Ciencias da Educación organiza a terceira edición destas xornadas, dedicadas desta volta ao imaxinario social sobre o galego, os días 25 e 26 de novembro. O prazo de matrícula pechará o vindeiro 20 de novembro.

«Perder unha lingua é case peor que perder unha especie»

Mon, 04 Jul 2011 09:01:54 GMT

Francisco Díaz-Fierros é catedrático en Edafoloxía e Química Agrícola da USC, académico na Real Academia Galega e coordinador da Sección de Ciencia, Natureza e Sociedade do Consello da Cultura Galega. O profesor Díaz-Fierros desvélanos as súas impresións a respecto da situación do galego no mundo da ciencia e apunta as posibilidades que ten o galego para facerse espazo neste mundo.

«Se aos rapaces novos se lles quere ensinar que o galego vale para todo, hai que predicar co exemplo»

Mon, 02 May 2011 12:19:40 GMT

María Crespo, estudante na Escola de Formación de Profesorado de Lugo, foi a gañadora dos premios ás Calidade e á Excelencia Lingüística do curso 2010-2011 cun traballo sobre as unidades de medida en Vilalba. A galardoada desta última edición cóntanos todas as claves do seu traballo e o seu punto de vista a respecto da situación do galego na no ensino.

Maior pulo á colección de unidades didácticas da USC

Fri, 29 Apr 2011 09:57:46 GMT

A colección «UD. Unidades didácticas», que xa vai polos 60 títulos publicados, vai recibir un maior pulo grazas á mellora da definición da colección aprobada pola Comisión Editorial Académica da Universidade o 25 de febreiro de 2011.

Videomatón pola Lingua na USC

Fri, 29 Apr 2011 09:52:36 GMT

Nas primeiras semanas de abril todas as persoas que forman a USC tiveron a oportunidade de armarse de micrófono e falar ante a cámara do galego, no que constitúe o xermolo do Videomatón pola Lingua da CNL de Ciencias da Comunicación.

Máis software libre en galego co Fiadeiro

Fri, 29 Apr 2011 09:45:22 GMT

Por terceiro ano consecutivo, estudantes de diversas titulacións da USC axuntámonos para traducirmos ao galego aplicacións de software libre na xornada de traballo e lecer que puxo ramo ao «III ETSE Open de SL / Fiadeiro de localización de software libre».

Candidaturas, programas e política lingüística

Wed, 28 Apr 2010 12:11:21 GMT

Docencia, investigación, persoal, xerencia, financiamento... Os grandes temas universitarios ás veces agochan a importancia doutros no día a día. Cales son as propostas en materia de política lingüística dos catedráticos e catedráticas que aspiran a rexer a USC os vindeiros catro anos?