Alberto Castro Ponte é un profesor novo, que imparte docencia na Escola Politécnica Superior, no grao de Enxeñaría Civil. Fai un ano apuntouse ao Obradoiro de elaboración de unidades didácticas para o PDI. A súa foi unha das 24 unidades didácticas presentadas o pasado 25 de novembro, a terceira que leva publicado neste ano.

As matemáticas teñen fama de difíciles. E se estudantes da titulación nos explican nun vídeo un concepto matemático, na nosa lingua, en só dous minutos?

Facer unha curta de non máis de dez minutos cunha comedia en galego. Ese era o reto que propoñía o certame «Somos a curta!», da Facultade de Ciencias da Comunicación para promover o uso do galego entre os que van ser os novos valores do audiovisual.

As citas, van en cursiva ou entre comiñas? Como se fai un índice automático? É eficaz un corrector ortográfico? Debo facer notas a rodapé? Ven aos «Cursos de redacción e deseño de traballos académicos e de investigación», resolve as túas dúbidas e mellora os teus traballos.

Dous membros da Universidade da Coruña e un equipo formado polas comisións de normalización lingüística dos centros do Campus de Lugo levaron os premios «Luísa Villalta» na súa oitava convocatoria.

Os estudos (e a experiencia, e as novas...) alertan de que a sociedade galega segue a padecer o estigma dos prexuízos sobre a nosa lingua e os seus falantes. Os profesionais do ensino deben estar preparados para afrontalos, pero... e se tamén os sofren?

Velaquí o discurso de clausura das xornadas «Os medios en galego, importan?», que se desenvolveron na Facultade de Ciencias da Comunicación os días 8, 9 e 10 de novembro.

Oito centros da USC súmanse con vinte e dúas actividades abertas ao público en xeral á celebración do Día da ciencia en galego, en datas que xiran arredor do 4 de novembro. Non as vaias perder!

As palabras non as leva o vento, as palabras amarrámolas entre todas… e todos. Tod@s? TodXs? Todas as persoas? Como podemos plasmar as nosas ansias igualitarias na lingua que falamos e escribimos?

O vindeiro 10 de novembro remata o prazo para presentares as túas propostas de dinamización do galego na universidade ao premio «Luísa Villalta», que concede substanciosos galardóns...