Un idioma preciso

178. Depreciación e desvalorización

Mércores, 28 de xaneiro de 2015

177. "Islamita" ou "islamista"?

Venres, 09 de xaneiro de 2015

Pasa a folla

Censo de poboación galego 2011 e lingua

Xoves, 30 de outubro de 2014

Arriba e abaixo

icono de ARRIBA

A tecnoloxía segue a traer boas novas para a lingua propia, grazas sobranceiramente ao quefacer voluntario da sociedade civil, organizada e activa. Así é como temos Android, Ubuntu, Twitter, Facebook, LibreOffice, Firefox, Thunterbird e tantas outras aplicacións en galego, ou acceder na nosa lingua ao principal buscador, Google. E o galego ocupa o posto 26 do mundo como idioma máis usado nas redes sociais, entre as maís de 6000 linguas censadas.
 


icono de ABAIXO

O esforzo institucional en política lingüística continúa minguando. Dende 2009 os recursos destinados pola Xunta ao fomento do galego recortáronse case nun 70% (21,5 millóns de euros en 2009, 6,7 millóns en 2015), a partida que máis leva sufrido as tesoiradas nos últimos anos. Cando os datos de uso do galego empeoran, semella lóxico dedicarlle máis esforzos a unha política lingüística a prol da nosa lingua para poder executar o Plan Xeral de Normalización Lingüística e cumprir así os obxectivos que foran consensuados e aprobados en 2004.




 

Calendario

« Feb, 2015 »
lun mar mér xov ven sáb dom
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28
Cambiar data:
Mes:   Ano: 

xeral

A anos-luz do plurilingüismo e aínda moi lonxe do bilingüismo

A análise dos usos lingüísticos do POD deste curso 2014-2015 volve reflectir o uso maioritario na docencia do castelán, a baixa implantación do noso idioma, pois non chega a utilizase nin na cuarta parte das horas impartidas nas aulas, e a anecdótica presenza doutros idiomas.

Venres, 30 de xaneiro de 2015

Departamentos, profesorado e linguas

Os usos lingüísticos docentes tamén varían en función do departamento de que se trate e das categorías de profesorado.

Venres, 30 de xaneiro de 2015

Evolución dos usos lingüísticos en doce anos

Así como na docencia das titulacións de 1º e 2º ciclo ata o inicio da súa paulatina desaparición se produciu unha lixeira converxencia de usos entre castelán e galego nos cursos 2008-2009 e 2009-2010, nos graos semella producirse a tendencia contraria, a de diverxer: as diferenzas de uso entre galego e castelán agrándanse a prol do segundo idioma.

Venres, 30 de xaneiro de 2015

Cursos de lingua galega para alumnado de intercambio

Ata o 5 de febreiro está aberto o prazo de matrícula do curso de lingua galega para non galegofalantes no Centro de Linguas Modernas da USC, ideal para todo o alumnado de intercambio (Sicue, Erasmus e outros) que desexe aprender un chisco de galego neste segundo cuadrimestre.

Venres, 30 de xaneiro de 2015

Que fala falas?

Falas galego, ghalegho, ghallego ou jallejo? Seas ou ceas? En Filoloxía, o vindeiro martes 11 de febreiro terá lugar un debate sobre os localismos nos usos públicos, unha cuestión sempre polémica en todos os idiomas.

Venres, 30 de xaneiro de 2015

Coidamos que a lingua galega non goza de boa saúde

Máis de sesenta mozos e mozas estudantes da materia “Educación e Sociedade en Galicia”, de 1º curso do grao de Educación Social, impartida polo profesor Antón Costa, trasladáronse en tren á Casa de Rosalía de Castro, desde onde lle remitiron unha carta ao presidente da Xunta e outras autoridades galegas, entre elas, o reitor da USC. “Coidamos que a lingua galega non goza de boa saúde”, é o seu título. E velaquí a carta!

Xoves, 30 de outubro de 2014

Editatón, robots, sensores e estrelas. Para encher a ciencia de galego

O Día da Ciencia en Galego, o 4 de novembro, vaise celebrar a base de ben no Campus de Lugo e entre todos os públicos. Exposicións, obradoiro de robótica, observacións de estrelas e... editatón.

Xoves, 30 de outubro de 2014

Dous anos de bUSCatermos

Logo de dous anos de abrirse a todo o mundo, bUSCatermos conta hoxe con máis de 161.000 rexistros e unhas 480.000 denominacións.

Xoves, 30 de outubro de 2014

Propostas de actividades das CNL dos centros para 2015

Ata o 31 de outubro está aberto o prazo para que as comisións de normalización lingüística dos centros da USC lle fagan chegar ao SNL as súas propostas de actuación para 2015.

Xoves, 30 de outubro de 2014

Un obradoiro axudará a elaborar os TFG e TFM

Na Facultade de Xeografía e Historia vaise desenvolver un obradoiro, que ten recoñecido 1 ECTS para todas as titulacións, che axudará a elaborar e defender o TFG, o PFC ou TFM.

Xoves, 30 de outubro de 2014