Un idioma preciso

184. Argalleiros que melloran o mundo

Venres, 30 de xuño de 2017

183. Un latinismo vivindo na auga doce

Xoves, 08 de xuño de 2017

Pasa a folla

O Ximnasio dos Verbos

Venres, 02 de xuño de 2017

Arriba e abaixo

icono de ARRIBA

Se a lingua galega ten un lugar na USC tamén se debe á actitude asertiva de mulleres e homes que nalgún momento decidiron, ás veces en condicións aínda duras e mesmo sufrindo discriminacións, usaren e promoveren o galego no seu traballo na Universidade: docencia, investigación, tarefas administrativas ou de servizo, estudos ou actividades extra-académica. Recoñecerlles ese mérito, especialmente ás persoas que abriron camiño ás que viñeron detrás é o obxectivo do Premio “Luis Porteiro Garea” que promove a USC. Gabámonos das moitas persoas merecedoras de tal honra na USC, afortunadamente. O xurado non debería telo doado!


icono de ABAIXO

Unha asociación extra-universitaria trasladoulle á Valedora do Pobo as queixas de alumnos universitarios que se senten discriminados polas axudas á realización das teses en galego. Trátase dunha medida de discriminación positiva para contribuír a corrixir a desigualdade tan grande que aínda existe entre galego e castelán na universidade: desde moitas menos posibilidades de recibir clases en galego ata a discriminación que sofre o profesorado que investiga na nosa lingua. Iso por non falarmos das dificultades sociais, económicas e laborais que sofre no seu día a día unha persoa galegofalante. Curiosamente non hai queixas polos estímulos máis discretos pero moi efectivos ao uso do inglés e que tamén supoñen unha discriminación....

Calendario

« Xul, 2017 »
lun mar mér xov ven sáb dom
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Cambiar data:
Mes:   Ano: 

O Premio ‘Luis Porteiro Garea’ recoñecerá a promoción e uso do galego na USC

Trátase dun premio aberto, ao que calquera que o desexe pode propoñer candidaturas. A súa creación contribúe a recoñecer, por parte da Universidade de Santiago de Compostela, os esforzos levados a cabo por membros da comunidade universitaria para usar, estender e dignificar a lingua propia da USC e de Galicia.

Xoves, 01 de xuño de 2017

Música, curtas e literatura en galego teñen premio na USC

O I Certame de Música Galega na USC, que premiará cancións en lingua galega de todos os xéneros musicais, vén a sumarse á lista de accións que fomentan o uso do galego na creatividade das nosas alumnas e alumnos, xunto con Somos a Curta! e Mazarelos. E teñen o prazo de presentación aberto!

Luns, 29 de maio de 2017

XIV Premios “Luísa Villalta” a iniciativas normalizadoras

Se che interesa a situación do galego na Universidade e se che acorda unha boa idea para mellorar a presenza o calidade do noso idioma ou se es quen de planificar mesmo que facer, este concurso vaiche interesar!

Luns, 29 de maio de 2017

Quen gañou Explícoche Matemáticas 2.0, TED-Saúde e Youtubeir@s?

Na USC hai concursos que buscan promover o uso do galego nos eidos das matemáticas, das ciencias da saúde e na Rede. E na edición deste curso xa teñen gañadoras e gañadores.

Luns, 29 de maio de 2017

Aprende galego básico e tamén outros idiomas no mes de xullo intensivamente

Se tiñas pouco tempo para meterte a máis aprendizaxes na túa estadía na USC pero estás interesado por esa lingua que oías seguido en todas as partes. Se vas facer un intercambio na USC e queres estar preparado/a para entender nas súa lingua a persoas que te van acoller. Se vives aquí, te defendes en castelán pero queres coñecer máis en que consiste esta país. Se che apetece vir facer turismo idiomático de paso que desfrutas da paisaxe, a gastronomía, o clima, a xente...

Venres, 26 de maio de 2017

250 títulos en galego na colección "UD. Unidades didácticas" da USC

A colección UD. Unidades didácticas da USC, que publica materiais docentes de calidade na nosa lingua para apoiar o traballo do profesorado e do alumnado de todas as materias e titulacións da universidade, chegou en marzo de 2017 aos 250 títulos, dos cales 211 están dispoñibles libremente e de balde para descargar.

Venres, 28 de abril de 2017

Volve, con folgos renovados, “Un idioma preciso”

A nosa sección de apuntamentos terminolóxicos “Un idioma preciso” volverá actualizarse n'O Cartafol e ademais comeza a publicarse tamén no portal da ciencia en galego, GCiencia, buscando chegar a máis persoas as súas reflexións e recomendacións sobre terminoloxía científica.


Venres, 28 de abril de 2017

Coñecer a lingua nos contextos. Camiñada de primavera no Courel

A Comisión de Normalización Lingüística da Escola Politécnica Superior de Lugo organiza unha nova camiñada para coñecer xuntas e asemade lingua e natureza. Será o sábado 6 de maio, no Courel e da man do profesor Manuel Antonio Rodríguez Guitián.

Venres, 28 de abril de 2017

Dispoñible en galego outra norma UNE-ISO, sobre sistemas de xestión ambiental

Dende o pasado mes de marzo existe a versión oficial en galego da norma UNE-EN ISO 14006:2011 Sistemas de xestión ambiental. Directrices para a incorporación do ecodeseño, grazas de novo á súa tradución polo Servizo de Normalización Lingüística da USC.

Venres, 28 de abril de 2017

O populismo, nos Encontros de Lúa Chea

Nos últimos tempos hai un termo que aparece a miúdo no debate político: populismo. O vindeiro Encontro de Lúa Chea (o martes 9 de maio ás 20 h) podes participar nun encontro aberto na EPS sobre o populismo, un tema que situará o popular profesor,  politólogo e comentarista político Antón Losada. ÚLTIMA HORA: Suspéndese por enfermidade do relator.


Venres, 28 de abril de 2017